أحمد عز عن نجاح ولاد رزق 3: بهتم بالإيرادات بقدر اهتمامي بتقديم أعمال تعيش لمدة طويلة
عبر الفنان أحمد عز عن سعادته بالنجاح الكبير الذي حققه فيلم ولاد رزق 3 منذ عرضه في السينمات تزامنا مع عيد الأضحى المبارك.
وقال أحمد عز، خلال حضوره افتتاح الفيلم بالسعودية: الحمد لله ده نجاح كبير ورزق من عند ربنا، الحمد لله الفيلم معمول بشكل كويس، أنا بسعى لأفلام تجيب إيرادات ولكن بسعى أكتر لأفلام تعيش لمدة طويلة حتى من البدايات خالص، ده كان هدف والحمد لله العنصرين موجودين في ولاد رزق الصنعة كويسة أوي والإيرادات كويسة أوي الحمد لله.
وأضاف أحمد عز: ده نجاح لينا كلنا مش ليا لوحدي والناس اللي اشتغلت ورا الكاميرا أكتر من اللي قدام الكاميرا، دول ليهم فضل كبير بعد ربنا.
كما حرص أحمد عز على توجيه الشكر لهيئة الترفيه بالمملكة العربية السعودية لدعمها الفيلم قائلا: مش هنسى دعم هيئة الترفيه بالمملكة العربية السعودية اللي ساعدت وساهمت أن الفيلم يبقى مواصفاته فيها درجة من الاحترافية والعالمية اللي بنشوفها.
فيلم ولاد رزق 3
وحقق فيلم ولاد رزق 3 أرقامًا خيالية وغير مسبوقة في شباك التذاكر، حيث حقق إيرادات نحو 50 مليون جنيه في 5 أيام فقط، والعمل من بطولة أحمد عز وعمرو يوسف وآسر ياسين وكريم قاسم ومحمد ممدوح وعلي صبحي وأسماء جلال ونسرين أمين ومحمد لطفي، ومن إخراج طارق العريان وتأليف صلاح الجهيني.
