العضلات لسه مستمرة.. عمرو أديب يمازح الهضبة والأخير يرد: ارحمنا أنا زهقت
مازح الإعلامي عمرو أديب، الهضبة عمرو دياب، خلال فعاليات العرض الخاص لـ فيلم ولاد رزق 3، بمدينة الرياض بالمملكة العربية السعودية.
وقال عمرو أديب، لـ الهضبة، خلال الترحيب به على ريد كاربت فيلم ولاد رزق 3 بالسعودية: العضلات لسه مستمرة.. ليرد عليه الهضبة ضاحكًا: ارحمنا بقى ارحمنا أنا زهقت.
وأشاد عمرو دياب، بـ صناع فيلم ولاد رزق 3، قائلًا: كلهم أصدقائي وأنا سعيد بيهم لأن العمل ده مختلف وولاد رزق بجزئيه الأول والثاني نجح بشكل كبير، وولاد رزق 3 بالإنتاج اللي شفته بيسموها إنتاج بالصبغة العالمية يفتح نفسنا.
وأضاف عمرو دياب: وأنا بمعرفتي بمعالي المستشار تركي آل الشيخ كل الأعمال اللي بيعملها بيقدمها بصبغة عالمية، للمزيكا والسينما أنا لسه هشوفه دلوقتي الكواليتي اللي معمول والتريلر حاجات من بره، طارق العريان له باع معايا من زمان، بينه وبينا تاريخ قديم فنيا وموسيقيا أو لنجوم عظام اللي موجدين العمل كله متكامل فرحان إني موجود وأتمنى ليهم التوفيق، وهناك حالة من الازدهار والفيلم جزء منه إنتاج مشترك، معاهم تامر مرسي والمتحدة، والإنتاج ده هيدي دفعة كبيرة لأي حد يعمل شغل بمستوى عالي.
رسالة عمرو دياب لجمهوره بعد أزمته الأخيرة
كما طالب عمرو أديب من الهضبة أن يوجه رسالة لجمهوره بمناسبة عيد الأضحى، ليرد الهضبة: جمهوري من 35 سنة وأنا معنديش غير جمهوري، وبقول لكم أنا بقدركم وبحبكم وكل سنة وأنتم طيبين.
