محمود عبد المغني: مش هجري ورا الفلوس طالما مفيش أعمال استهوتني.. وممكن أقعد سنة مشتغلش
كشف الفنان محمود عبد المغني، سبب قلة أعماله الفنية في الفترة الأخيرة، مؤكدًا أن يحترم عقلية الجمهور في اختياراته ولا يجري وراء الماديات.
وقال محمود عبد المغني، في تصريحات تليفزيونية: بوافق على الأعمال لما أحس إن الدور بيفيدني ويفيد الناس، وكل دور بعمله يبقى بحترم فيه عقليه المشاهد لأن فيه احترام متبادل بيني وبين الجمهور من أول ما بدأت فلازم أؤكد على ده من خلال أدواري ممكن ده يستدعي إن أنا مشتغلش ممكن أقعد سنة مش عايز اشتغل عشان مفيش حاجة استهوتني استفزتني كممثل.
وتابع محمود عبد المغني: أنا وضعي خاص ومختلف أنا مش بحب الجري ورا المادة والفلوس أكتر، وأنا مش مثالي بس مستورة، وأنا واخد حقي من الجمهور المصري والعربي على وجه الخصوص والناس حافظة شغلي وعارفه تاريخي وهو ده بالنسبالي النجومية.
أعمال محمود عبد المغني
وعرض لمحمود عبد المغني مؤخرًا مسلسل صيد العقارب، الذي عرض ضمن الماراثون الرمضاني الماضي لعام 2024، حيث ضم العمل العديد من الفنانين أبرزهم الفنانة غادة عبد الرازق، محمد علاء، منال سلامة، ميار الغيطي، أحمد ماهر، وآخرون، والعمل من إخراج أحمد حسن.
ودارت أحداث مسلسل صيد العقارب في إطار اجتماعي درامي، حول سيدة تعمل بمزرعة عقارب، ومن أبرز الجُمل التي جاءت على لسانها خلال برومو مسلسل صيد العقارب: أنا ست كل شغلي مع العقارب.
