استدل بصوري ومحادثاتي مع خطيبي السابق.. التحقيقات في اتهام بلوجر حلوان بالزنا تكشف مفاجآت| تفاصيل
يستكمل القاهرة 24 نشر نص التحقيقات في القضية رقم 46352 لسنة 2023، والمقيدة برقم 6200 لسنة 2023 إداري حلوان، والتي وجه فيها أحد الأشخاص لزوجته تعمل بلوجر، وتقدم محتوى عبر منصات السوشيال ميديا، تهمة الزنا، بعدما تفاجأ بأحد الأشخاص، يرسل له عدة مقاطع فيديو وصور وتسجيلات، لزوجته مع أحد الأشخاص، فتأكد من خيانتها له، وتقدم زوجها ببلاغ، يحتوي على فلاشة بها مقاطع مخلة بالآداب وتسجيلات صوتية، ومكالمات جنسية لها مع أحد الأشخاص.
تحقيقات بلوجر حلوان
وقالت بلوجر حلوان في التحقيقات: الأهلين اتدخلوا وصالحونا على بعض ورجعت معاه بيت الزوجية وعملنا سبوع تاني لابني وأهله بس اللي حضروه وبعدها عشنا مع بعض بس كان مهمل فيا ومكنش بيصرف على البيت، ولا كان بيجيب أكل ولا شرب، ولما كنت بطلب منه فلوس للبيت عشان أعرف آكل وأشرب وأرضع ابننا، قالي خلي أهلك يجيبولك وساعتها فعلا أبويا كان بيجلبي الأكل والشرب ويحطوه في السبت عشان بابا مكنش بيقدر يطلع الدور الخامس.
وتابعت بلوجر حلوان: فضلنا كدا فترة لحد شهر 7-2023 لحد ما في يوم وإحنا في البيت واتكلمنا إن لحد إمتى هنفضل كدا وإن أنا اللي بصرف على ابننا وأهلي بيجبولنا الاكل والشرب ولحد إمتى هتفضل كدا قالي اخبطي راسك في الحيط وطلبت منه الطلاق ورفض وسابني ونزل وفي الوقت ده أبويا كان عيان وفي العناية المركزة ومقولتش لأهلي أي حاجة ساعتها.
وأردفت بلوجر حلوان: وبعدين دخلنا في شهر 8 وتحديدا يوم 9-8-2023 كان يوم عيد ميلادي كان سايبني طول اليوم ومكنش معايا وساعتها قررت إني ألم حاجتي وأغضب وأروح عند أهلي وبعدين فتحت علبة الدهب بتاعي لاقيته مش موجود، وكلمته واعترف لي إنه باعه فسكت، وساعتها سألته هتطلقني إمتى، قالي أنا مطلق خلاص معنديش مشكلة وساعتها رجع بليل وقالي أنا مش هطلقك أنا متمسك بيكي إنتي وابننا وساعتها رفضت الكلام ده وقولتله أنا عايزة أطلق.
وأشارت بلوجر حلوان: وقتها طلب مني أهدى شوية وفضل يومين بعديها بيقنعني إني مطلقش منه وبعدين يوم ۲۰۲۳/۸/۸ كان نايم جنبي على السرير وجاتله رسالة من بنت وعرفت ساعتها إنه كان بيخوني ولما فتحت موبايله لاقيت إن في ناس بتواجهه بمحاضر نصب وساعتها أنا صحيته من النوم وقولتله طلقني وأنا عايزة أروح لأهلي وساعتها قالي هعملك اللي انتي عايزاه ويوم ۲۰۲۳/۸/۹ الصبح نزل الشغل وقالي هجيلك بليل نحل الموضوع.
وأردفت: فضلت قاعدة مستنياه أنا وابني بليل على الساعة 7 وحصلت بينا خناقة كبيرة جدا وضربني بإيده وأحدث إصابات بیا وساعتها هو اتخض من منظري بعد ما ضربني وأنا ساعتها جبت آخري وقولتله اعمل اللي تعمله، وراح قالي إنتي بتعملي كدا معايا وبتتهميني بالخيانة بعد مالميتك من الشوارع وسترتك وساعتها عرفت إنه جاب صوري ومحادثاتي مع خطيبي السابق عمرو مع إنه كان عارف بيها.
وتابعت: قالي ساعتها إنها معاه وساعتها أنا مكنتش مصدقه إنه عرف يجيب الصور دي وورهالي وقالي إنتي كنتي مش كويسة وأنا لميتك من الشارع يا بنت كذا بلفظ مش كويس وشتمني بأهلى وقعد يشتم فيا وفي أهلي كتيير.
