محمد الشرنوبي: سيناء أكتر مكان بيخليني هادي.. ونضجت بعد تجربة الطلاق
قال الفنان محمد الشرنوبي، إنه شعر بالنضج بعد تجربة الطلاق وواجه تحديات الحياة، مشيرًا إلى أن مدينة سيناء من الأكثر الأماكن التي يشعر بالراحة فيها.
وأضاف محمد الشرنوبي خلال تصريحاته التليفزيونية: بحس إني نضجت بدري وبدأت شغل بدري جدًا ودخلت تحديات كبيرة مع الحياة بدري واتجوزت وطلقت بدري، وعملت كل حاجة في حياتي بسرعة.
وحول الأماكن الذي يفضلها في السفر، أوضح الشرنوبي: لما بحب أبقى رايق بحب أسافر خاصة سيناء، أكثر حتة في الدنيا بتخليني هادي ورايق وهمومي كلها بتسقط، بتروح فجأة مبتفكرش في أي حاجة، ولا تمسك موبايلك، فجأة بتحس إن الهم اللي على قلبك بيختفي دي حاجة إلهية جدا ملهاش تفسير، سافرت المالديف وحتت تانية كتير مفيش حاجة زي سيناء.
أما عن الفرق بين اللحن والتوزيع، أكد الشرنوبي: في فرق بين اللحن والتوزيع، والناس دائما فاهمة العكس واللحن الكلمة لما بتتغنى، والتوزيع بيكون من لما بتبتدي تحط مزيكا على الألحان عشان تطلع أغنية وبيكون كلمات مصاحبه لـ اللحن.
جدير بالذكر أن الشرنوبي طرح، أحدث أعماله الغنائية، تزامنًا مع موسم عيد الأضحى المبارك، والتي تحمل عنوان استغنينا والتي تم طرحها على موقع الفيديوهات الشهير يوتيوب والمنصات الرقمية، ومحطات الراديو، والأغنية كلمات وألحان عزيز الشافعي، وتوزيع موسيقي إلهامي دهمية.
آخر أعمال محمد الشرنوبي
وفي سياق آخر، طرح محمد الشرنوبي أغنيتة ما كفاية على موقع الفيديوهات يوتيوب، والمنصات الرقمية، ومحطات الراديو والأغنية من كلمات خالد عصام، وألحان محمد الشرنوبي وخالد عصام، وتوزيع موسيقى نوفو - عيسى أسود.
