أحمد فهمي: فيلم عصابة الماكس كان صعب جدًا.. وأكتر مشروع تعبت عليه
كشف الفنان أحمد فهمي، عن الصعوبات التي واجهته خلال تصوير فيلمه الجديد عصابة الماكس، الذي شارك به في موسم أفلام عيد الأضحى.
وقال أحمد فهمي، خلال لقائه مع برنامج عرب وود: صورنا في القصير والغردقة والفيوم وإسكندرية والقاهرة وعلى طرق كتير، الفيلم كان صعب جدًا ويمكن كان أصعب مشروع اشتغلت عليه وتعبت فيه ولكن استمتعت، وبجد أنا مبسوط بالكاست جدًا والناس اللي اشتغلت معاهم يمكن هما اللي سهلوا المأمورية دي.
فيلم عصابة الماكس
وسبق وأن تحدث الفنان أحمد فهمي، عن كواليس وتحضيرات فيلمه عصابة الماكس، حيث قال في لقائه مع القاهرة 24: البرومو كان مبين فكرة الفيلم، وأنا اللي بفكر فيه قبل شخصيتي في الفيلم بشوف فكرة الفيلم كلها، والشخصية لو الفيلم حلو هقدر أطورها وأشتغل عليها لو فيها مشاكل، واشتغلنا على الاسكريبت بالشكل اللي صورنا بيه وجرينا جدًا في التصوير، حتى إحنا صورنا رمضان كله لأن الوقت كان ضيق جدًا بس الحمد لله الفيلم طلع بشكل مرضي.
أبطال فيلم عصابة الماكس
فيلم عصابة المكس، بطولة كل من الفنانة لبلبة، روبي، أوس أوس، حاتم صلاح، بينما ضم العمل عدد كبير من ضيوف الشرف منهم: أحمد السقا، كريم فهمي، محمد ثروت، حمدي المرغني، والعمل من تأليف أمجد الشرقاوي وإخراج حسام سليمان.
