أول ظهور لـ هشام ربيع بعد التعدي عليه: المحضر بسبب حادث التصادم مش اعتداء الشاب
كشف رجل الأعمال هشام ربيع، تفاصيل أزمة تعدي أحد الأشخاص عليه وتحرير محضر ضده في قسم شرطة التجمع الأول، معربًا عن استيائه من الأنباء المتداولة خلال الساعات الماضية حول تفاصيل الواقعة.
وقال هشام ربيع لـ القاهرة 24، في أول ظهور له بعد واقعة التعدي عليه: فوجئت بحاجات في السوشيال ميديا غريبة أوي إن عندي مشاكل، وده مش حقيقي، ومش أي حد يروح القسم ويعمل محضر يبقى عنده حاجة ضخمة، دي حاجة عادي حادثة أو اصطدام لازم نتجه لـ قسم الشرطة لأننا في دولة قانون.
وتابع هشام ربيع: الحاجات دي بتتعبني نفسيًا وبتتعب كل الناس اللي بتتكلموا عليها، أنا هقول إن أهم حاجة إن أنا في واقعة التصادم دي فوجئت إننا في العيد وإحنا مسافرين لما روحت قسم شرطة التجمع الأول علشان أعمل محضر الناس دي موجودة وبايتة في المكان، وأحب أنتهز الفرصة وأشكر معالي الوزير على الأمن، وأشكر سيادة اللواء أشرف الجندي مدير أمن القاهرة، وأشكر كل الناس بتاعة الشرطة وأنا شوفت حاجة طمنتني.
واختتم هشام ربيع حديثه: أرجوكم إحنا عندنا عمالة والتزامات وشغل وطموح، سيبونا نكمل شغل.
التعدي على هشام ربيع
وسبق وأكد هشام ربيع في تصريحات لـ القاهرة 24، أنه خلال الحديث مع الشاب ارتفع صوتهما وتطور النقاش إلى اشتباك بالأيدي، على إثرها تعدى الشاب على رجل الأعمال هشام ربيع وأحدث به بعض الإصابات، ما دفع ربيع إلى تحرير محضر ضد الشاب على خلفية ما تعرض له من أضرار.
