وزن زائد وانتقادات.. كيف ردت كندة علوش على صورها خلال إصابتها بسرطان الثدي؟
علقت الفنانة كندة علوش، على انتقادات ظهورها بوزن زائد سابقا، عندما كانت في فترة العلاج من سرطان الثدي، وتعرضها للتنمر بسبب هذا الظهور.
وقالت كندة علوش خلال تصريحاتها مع الإعلامية منى الشاذلي بـ البودكاست الخاص بها: كنت في عز مرحلة الكيماوي وجسمي كان منفوخ جدًا وبشرتي تعبانة وشعري خافف جدًا، كنت بحاول متصورش وللأسف اتصورت، والناس اتنمرت والتعليقات وجعتني.
وتابعت كندة علوش: ده يعلمنا نبطل نستسهل في الحكم على الناس لأن منعرفش ظروفهم إيه، أنا كنت متضايقة من شكلي من قبل ما الناس تتريق عليا، أنا عندي وزن زائد لغاية دلوقتي، وأنا عايزة أخس لنفسي قبل أي حاجة.
تفاصيل إصابة كندة علوش
كما كشفت كندة علوش تفاصيل إصابتها بسرطان الثدي، حيث أوضحت: بعد 9 شهور من رضاعة ابني كريم، حسيت إني عندي مشكلة في إحدى الثديين ولما كشفت اكتشفت إني عندي أكتر من ورم خبيث، تلقيت الخبر بهدوء وسكينة ومانهارتش، وعمرو جوزي كان مرعوب أكتر مني، والنهاردة يبقى بقالي سنة وشهر بتعالج، ولسه بتلقى جرعات العلاج حتى يومنا هذا.
كما تحدثت كندة علوش عن موقف زوجها الفنان عمرو يوسف من مرضها، وقالت: عمرو لما عرف إني مصابة بالسرطان كان خايف أكتر مني وقلقان، وهو مش سودوي ولكن كان حاطط الفكرة دي قبلي وكان حاسس، وقررت أنا وعمرو إننا مش هنعرف حد لأننا مش عايزين نقلق الناس، وعمرو كان بيوصلني الجلسات ويقولي إن لازم حد يقعد معايا في المستشفى.
