فرد الأمن في مشاجرة إمام عاشور: قالي مراته اتعاكست.. وضربني على راسي| فيديو
قال فرد الأمن صاحب واقعة الاعتداء من لاعب الأهلي إمام عاشور، إنه ليس له صلة بواقعة مضايقة زوجة إمام عاشور، ولم يعلم بها إلا وقت دخوله المول.
صاحب واقعة إمام عاشور: بلغت الأمن محدش يتعرض ليه عشان ميحصلش مضايقات
وأضاف فرد الأمن في بث مباشر لـ القاهرة 24، بدأت الواقعة في تمام الساعة 7 إلا ربع تفاجأنا بدخول كابتن إمام عاشور بسيارة يقودها بسرعة شديدة، وكان في انتظاره من 10 لـ 15 شابا، ودخل مسرعا تجاه المول، واحنا منعرفش رايح فين.
وأوضح فرد الأمن، أنه وجه زملائه بعدم التعرض لكابتن إمام عاشور عشان ميحصلش مضايقات، خاصة لأنه كان غاضبًا بشدة، مضيفًا: دخل وقتها على البارك وكان بيدور على حاجة، واحنا منعرفش هو بيدور على إيه.
وأشار فرد الأمن صاحب واقعة إمام عاشور: وقتها نزلت وراه عشان أعرف التفاصيل، وقولتلوا يا كابتن محتاج إيه عشان نفهم الموضوع، بدأ يتكلم معايا وعرفنا الواقعة وإيه السبب اللي كان مخليه ثائر وهايج ليه.
وأردف: كابتن إمام قالي إنه مراته اتعاكست وبدأ في فاصل من السباب، وبعدها بدأ يشدني من القميص ويوقعني على الأرض وبدأ الضرب فيا وعلى رأسي، بعدها أغمى عليا وتم أفاقتي ولقيت نفسي قاعد على كرسي، بعدها توجهت لإدارة المول وفرغنا الكاميرات وقدرنا نعرف الشخص اللي عاكس زوجة إمام عاشور.
وكانت جهات التحقيق استمعت إلى أقوال زوجة اللاعب إمام عاشور، في واقعة التعدي على فرد أمن داخل مول تجاري بالشيخ زايد عقب تعرضها للمعاكسة داخل المول.
وقررت جهات التحقيق، صرف زوجة إمام عاشور من سرايا النيابة في واقعة التعدي على فرد أمن بعد الاستماع إلى أقوالها.
