طبيب يحكي موقفا مؤثرا لمريضة بسبب قطع الكهرباء: ولادها شالوها ونزلوا بيها 6 أدوار
شارك طبيب يدعى حسام الديب موقفا مؤثرا تعرضت له مريضة، بسبب قطع الكهرباء، حيث اضطر أبناؤها لحملها لذلك السبب.
طبيب يحكي موقفا مؤثرا لمريضة بسبب قطع الكهرباء
وتحدث الطبيب حسام الديب عن تفاصيل الموقف قائلًا: بقيت أروح العيادة بدري على قد ما أقدر، عشان أكون خلصت الساعة تلاتة، ومعظم المرضى يطلعوا وينزلوا في الأسانسير، لان العيادة في الدور السادس.
وعن تفاصيل الواقعة كشف: النهاردة الساعة 2 إلا ربع، دخلت العيادة مريضة كبيرة في السن، وعندها مشاكل صحيه كتير على كرسي متحرك مع ابنها، عشان تطلع على سرير الكشف، ابنها كلم أخوه في التليفون، ييجى يشيلها معاه يطلعها على السرير تكشف، والأم كانت بتقول لابنها تاعباكم معايا، ويرد عليها ابنها ويقول، أهم حاجة ترضي عننا يا أمي.
وتابع: يادوب خلصت الكشف ولسه بكتب الروشتة بالكمبيوتر، الكهرباء قطعت أنا اتفاجئت، هم جايين من سفر، وقلت لهم إحنا معادنا هنا تلاتة مش اتنين، وأنا عامل حسابي إنكم تخلصوا قبل قطع الكهربا، فقعدوا يفكروا وشالوا أمهم ونزلوا بيها 6 أدوار على السلم في الحر ده.
