شيرين رضا: لا أتابع صيحات الموضة.. وملابسي لا تعكس شخصيتي
تحدثت الفنانة شيرين رضا عن اختيارها للأزياء، مؤكدة أنها لا تتابع صيحات الموضة ولكنها تختار الملابس التي تريحها.
وأكدت شيرين رضا في لقاء لها، أن الملابس لا تعكس شخصيتها موضحة: أنا بلبس الهدوم مش هي اللي بتلبسني، اللي بلبسه هيليق وهيمشي معايا وهعرف البسه إزاي بحيث يكون جزء مني، ومهم إنك انتي اللي تلبسي الأوتفيت مش هو، وما ينفعش يكون كتير قبل ما تنزلي بصي في المرايا واختاري حاجة تشيليها.
مش بتابع صيحات الموضة
وأضافت شيرين رضا: مش بتابع صيحات الموضة، لأني بختار المريح من اللبس وممكن يكون من عشرين سنة، لأن الفاشون بيتكرر كل عشرين سنة، والجينز الواسع بيتكرر، وبحب الخواتم أكتر حاجة في المجوهرات الخواتم الكبيرة.
وبسؤالها هل إذا كانت شعرت بخيبة أمل في السابق بسبب الفساتين قالت: كتير جدًا، وساعات الفستان بيكون ضيق أوي وما يدخلش فيا، ولو رايحة عرض أزياء لازم ألبس من مصمم الأزياء أحيانا اللبس بيكون ضيق بضطر اختار حاجة من عندي فحياتي مش سهلة ولذيذة.
وعن أكثر الفساتين التي أحبتها قالت: لبست فستان في الجونة من تصميم ياسمين يايا من أكتر الفستانين اللي بحبها، وفي نفس السنة لبست فستان تاني قصير وبيلمع من ملك العزاوي، وكذلك لبست فستانين باللون الأزرق من ملك أيضًا.
