ضيعت سنين.. سمية الخشاب: طلع عيني في المذاكرة وبعد بكالوريوس تجارة ماشتغلتش بالشهادة
ردت الفنانة سمية الخشاب على انتقادات البعض تجاه ما قالته في منشور لها بخصوص التعليم، حيث قالت التعليم لا يحدد مصير وأهم حاجة أن يقدر الشخص يجيب فلوس ويتجوز ويسافر.
سمية الخشاب: طلع عيني في المذاكرة وبعد بكالوريوس تجارة ماشتغلتش بالشهادة
وقالت سمية الخشاب لـ القاهرة 24: أنا طلع عيني وذاكرت ودروس، ورايحة المدرسة وراجعة من المدرسة ورايحة الكلية راجعة من الكلية، وبعد بكالوريوس تجارة جامعة إسكندرية اشتغلت بالشهادة حضرتك؟ ده لو كنت درست الحاجة اللي بحبها من الأول أكيد مكانش ضاع سنين كتير ملهاش لازمة.
وأضافت سمية الخشاب: التعليم بيفرق كشكل وواجهة، لكن في كتير خريجين جامعات ومعندهمش فكرة عن أي حاجة، ومستوى الثقافة ضايع.
وتابعت: في ناس كتير بتأيد كلامي في البوست وشايفين إني صح وعجبهم الكلام.
سمية الخشاب: التعليم مبيحددش مصير
وكانت سمية الخشاب كتبت عبر حسابها بموقع إكس تويتر سابقًا: التعليم مبيحددش مصير ولا نيلة، بتعرف تجيب فلوس هتعرف تتجوز وتسافر مبتعرفش يبقى الشهادة هتقرطسها وتحط فيها طعمية.
آخر أعمال سمية الخشاب
وكانت آخر أعمال سمية الخشاب مشاركتها في رمضان الماضي 2024 بـ مسلسل بـ 100 راجل، وشاركها فيه مجموعة كبيرة من الفنانين منهم محمود عبد المغني، نانسي صلاح، سما إبراهيم، محمد القس، أحمد صيام وغيرهم، ومن إخراج إبرام نشأت وتأليف محمود حمدان.
