استياء أولياء الأمور بالأقصر من انقطاع الكهرباء لساعات أطول من المقررة والأهالي: عيالنا تذاكر إزاي

عبر العديد من أهالي الأقصر للقاهرة 24 عن إستيائهم الشديد من الإنقطاع المتكرر بالساعات للكهرباء على مدار اليوم  بأزيد من الوقت المقرر وخاصة مع الإرتفاع الشديد في درجات الحرارة في موجة طقس سىء يضرب المحافظة وبالتزامن مع أداء الطلبة لإمتحانات الثانوية العامة.

الكورنيش فاضي.. خلو شوارع الأقصر من المواطنين في ثالث أيام العيد بسبب الموجة الحارة

استياء الأهالي بالأقصر من انقطاع الكهرباء لساعات اطول من المقررة

وتسائل الأهالي: عن مصير أبنائهم وبناتهم الذين يؤدون إمتحانات الثانوية العامة والأزهرية، هل ستقوم شركة الكهرباء بمنحهم درجات رأفة عن عدد الساعات التى ضاعت عليهم بقطع النور، وعيالنا تذاكر إزاي وخاصة في أجواء الأقصر شديدة الحرارة.

منشورات غاضبة عل السوشيال ميديا

ونشر العديد من أهالي الأقصر عبر صفحاتهم  عبر منصة التواصل الاجتماعي فيس بوك مستنكرين ما يحدث حيث نشر:  حمادة عظم أحد أبناء الأقصر قائلا: اقسم بالله ده حرفيا اللي احنا في من ساعتين ده غير القطع اللي كان قبل كده تمشي من الشغل عشان النور قاطع تروح البيت تلاقيه قاطع الشارع نار تحس الشمس لسه ما غابت طب نروح فين.

وقالت إيمان شبيب عبر صفحتها: شاغلكم الحر والنور اللي بيقطع والمذاكرة وثانوية عامة، طب الناس اللي بتتسرق وقت الكهربا مابتقطع وطبعا العتمة مسعداهم الناس مش لاقية تاكل فبتسرق وتقتل واي حاجة قدامها حلال دلوقتي، خلوا بالكم على بناتكم في الضلمة ياريت تكون وصلت.

وتسائل محسن السيد عبر صفحتة: يا ترى المدرسين اللى هيصححوا امتحانات الثانوية العامة هيعملوا حساب أن النور كان بيقطع من 4 إلى 6 يوميا.

وقالت أميرة: طب والناس الي عايشه ع اجهزه اكسجين ف بيتها وملهاش مكان ف مستشفى ولا مش قادره على الشحططه طب، والعيال الرضع 
طب وكبار السن  ، طيب الحوامل الي طلعان روحهم من الضغط والتعب وفرهضه العيال 
طب هو ده يرضي ربنا الكهرباء قاطعه 6 ساعات ونص النهارده.