نهاد نور: اتجهت للتصوير السينمائي.. والتمثيل هوايتي وليس عملي
كشف الفنان الشاب نهاد نور تفاصيل عمله في مجال التصوير السينمائي، بعد ابتعاده عن مجال التمثيل لسنوات طويلة.
وقال نهاد نور خلال لقائه مع القاهرة 24: بعد ثانوية عامة دخلت معهد السينما ودرست تصوير واشتغلت كمساعد مصور مع محمود يوسف في مسلسلات عشم إبليس وعائلة نعمان.
وتابع نهاد نور: واتسحلت في شغلي الأساسي وهو التصوير، وأنا كتمثيل مش مختفي بس مفيش حاجة بحس إني عايز أعملها، لأن التمثيل هوايتي أكتر من إنه شغلي، وبعد ما خلصت المعهد قررت أركز في التصوير أكتر.
نهاد نور يكشف كواليس مسلسل كريمة كريمة
وسبق وكشف نهاد نور تطورات علاقته بالفنان أحمد حلمي، الذي شارك معه في فيلم زكي شان سابقًا، وقال: أحمد حلمي كان بيهتم جدًا بمذاكرتي وقت تصوير فيلم زكي شان، وإحنا لحد دلوقتي بنتكلم وعلى تواصل، ونفسي أشتغل معاه قريب.
كما كشف الفنان نهاد نور كواليس مسلسل كريمة كريمة، بطولة الفنانة ماجدة زكي، قائلًا: في موقف من كواليس مسلسل كريمة كريمة مش ممكن أنساه، طنط ماجدة كانت المفروض تضربني بالقلم في مشهد، وأنا فكرتها هتضرب على الهوا مثلا، لكن فاجأتني وضربت بجد.
