إصابة أورتيجا بكسر في القدم.. ويعلق: ربنا يبعد العين اللي بقت مكشوفة وواضحة
أعلن مطرب المهرجانات أورتيجا، تعرضه لكسر في القدم، مما أدى إلى ابتعاده عن الوسط الفني في الفترة الأخيرة، مؤكدا أنه لا يتجاهل أحدا، ولكن بسبب الأزمة الصحية التي يمر بها، لم يستطيع التواصل مع أي شخص، مطالبًا محبيه بالدعاء لها بالشفاء العاجل.
أورتيجا يُعلن تعرضه لكسر في القدم
وشارك أورتيجا متابعيه صورة، عبر خاصية ستوري بموقع انستجرام، وعلق عليها قائلًا: الفترة اللي فاتت أنا كنت تعبان جدًا ومحدش يعرف ومش بحب أقول، وناس كتير مكنتش بتعرف توصلي لأني بجد كنت تعبان أوى والله.
أضاف أورتيجا: النهارده زاد التعب أكثر وبقى 2 کسر و4 شروخ في رجل واحدة، أنا ليه نزلت ده دلوقتی علشان متفهمش غلط والناس تديني عزري، علشان في ناس معينه بقيت بتتكلم بطريقه أن أورتيجا بيتنك والشغل التعبان ده.
استكمل أورتيجا: عاوز أقولكم أورتيجا بيتنفخ، فى حبيت أوضح للناس اللي مش فهمه حاجة، وأنا فهمتكم أدوني عزري بقي، والحمد لله والشكر لله طبعًا على كل حاجه بتحصل ويارب أبعد عننا العين علشان بقت مکشوفه وواضحة أوي.
أورتيجا: نجاحي أنا وأوكا عشان صدقنا نفسنا كفنانين
وفي سياق مختلف، سبق وكشف أورتيجا عن سبب النجاح الساحق الذي حققه منذ بداياته مع أوكا، مشيرًا إلى أنهما تعرضا في البداية لانتقادات كثيرة من الجمهور.
وتحدث أورتيجا خلاء لقائه مع القاهرة 24، قائلًا: احنا كنا حالة مختلفة، وفي البداية كان الجمهور بيقول لينا انتوا فترة وهتنتهي، بس أنا وأكا كنا بنفهم في الراب أوي، من حيث شكله عامل ازاي، وقدرنا نجمع ده في المهرجانات، والناس اتقبلته، معقبًا: دي كانت حاجة جديدة طالعة على المجتمع، وعيالنا بيسمعوا ناس بتسف واحنا مكنش ده هدفنا ولا ان في ناس تسف ولا حاجه، وكنا بنعمل مزيكا انها تطلع كده كل فترة حاجه عاديه يعني.
