حطيتله السم في الجاتوه وخنقناه بالكوفية.. اعترافات مثيرة لقاتلة زوجها بمساعدة شقيقه أمام جهات التحقيق| خاص
شهدت منطقة الصف التابعة لمحافظة الجيزة واقعة قتل مأساوية تجردت فيها سيدة من كل مشاعر الرحمة وقتلت زوجها بمساعدة شقيقه بأن وضعت له السم في قطعة جاتوه وخنقه بمساعدة شقيقه بسبب علاقة غير شرعية بينهما ويتزوجا عقب جريمتهما.
اعترافات الزوجة قاتلة زوجها بمساعدة شقيقه
وكشفت التحقيقات في القضية رقم 1771 لسنة 2024 جنايات الصف المقيدة برقم 1445 لسنة 2024 كلي جنوب الجيزة أن المتهم أ. ص وب. ع في يوم 8 فبراير 2024 قتلا المجني عليه: ك. ص شقيق الأول وزوج الثانية عمدًا مع سبق الإصرار.
وقالت المتهمة بقتل زوجها بمساعدة شقيقه بمدينة الصف أمام جهات التحقيق: مبقتش قادرة استحمل جوزي في العيشة ولا العلاقة الجنسية معاه ولا كنت ببقى طايقاه وسعاتها فكرت إني لازم أخلص منه واقتله عشان أعيش مع أخوه، ولما فكرت مع نفسي ملقتش حل غير إني أخلص منه، فسعتها عرضت الموضوع على أخوه ففكر شوية، وقالي موافق.
وأضافت المتهمة بقتل زوجها بمساعدة شقيقه بمدينة الصف: عشيقي أخو جوزي قالي أحسن حل في الموضوع إني أحطله سم في الأكل وساعتها فكرت إني أروح اشتري جاتوه من المحل، وأحط لجوزي سم في الجاتوه عشان أخلص منه، وفعلا اشتريت الجاتوه، وأخوه جالي بعدها البيت وكان معه السم، وحطه في الجاتوه.
وأردفت المتهمة بقتل زوجها بمساعدة شقيقه بمنطقة الصف: عشيقي قالي أخلى الجاتوه لحد ما يجي الوقت المناسب وأكله الجوزي، وفعلًا عملت كده وقدمت لجوزي الجاتوه المسموم، فأكله وبدأ إنه يتوجع، ويتألم، وبعدها استنجدت بأخوه عشان يجي يلحقني، وتخلص من اللي إحنا فيه، وجالي فعلًا وروحت سعتها أنا وأخوه خانقين جوزي بالكوفية، وقدرنا إننا نموته.
