وصول المتهمين بخطف نجل وزير سابق إلى محكمة جنايات الجيزة
وصل منذ قليل المتهمون بمحاولة خطف نجل وزير سابق، إلى محكمة جنايات الجيزة، المنعقدة بزينهم، لنظر جلسة محاكمتهم في القضية.
وصول المتهمين بخطف نجل وزير سابق
وتنظر محكمة جنايات الجيزة، المنعقدة في زينهم، بعد قليل، جلسة محاكمة 10 متهمين في القضية المعروفة إعلاميًا بـ خطف نجل وزير الصحة الأسبق، بعدما تم حجزها الجلسة السابقة.
وكشفت التحقيقات في واقعة اختطاف ع. ح، نجل وزير سابق، عن تفاصيل مثيرة بشأن واقعة اختطافه بالتحايل والإكراه، إذ تبين وجود علاقة صداقة بين المجني عليه والمتهم الأول عرف من خلالها المتهم أن الضحية ميسور الحال، فشكل مع باقي المتهمين تشكيلًا عصابيًا مكونًا من 10 أشخاص لاختطافه.
واعترف المتهم الأول أمام جهات التحقيق قائلا: بعد ما طلعنا من الفيلا أنا كنت متفق مع الناس اللي كانت معايا ويعملوا أنهم بيخطفونا علشان ميشكش في حاجة وفعلا لما ركنت العربية لقيتهم جم بالعربية الكيا ونزل منها علي ومحمد، وعلي نزل علشان يسوق ومحمد ركب جنبنا ورا وتحركنا على بيت عبد الله اللي في بشتيل علشان كان فيه كمين ومش هنعرف نسافر بيه طنطا.
وأردف المتهم بخطف نجل وزير أسبق: نزلوني في الطريق وطلعوة علي بيت عبد الله وأنا نزلت ركبت مع مي وحمادة سواق العربية الكيا ورحت المستشفى علشان أغير على الجرح وسحبنا الفلوس من الفيزا بتاعت ابن الوزير الأسبق وغيرت على الجرح ولقيت عبد الله بيقولي إن مراته هتيجي ولازم يمشوا وكان النهار طلع والكمين مشي وأنا رجعتلهم ومي وحمادة السواق وديتهم العربية الكيا وركبت أنا ومراتي مع عم سعيد بتاع التاكسي وكنا ماشيين معاهم في الطريق لحد ما وصلنا لبيت أم مي مراتي اللي في طنطا وساعتها نزلنا كلنا وهما أخدوه على الدور الأول وأنا طلعت على حماتي في الدور الثالث.
