طارق الشيخ: الجمهور اللي يقرر اعتزالي.. ولازم نلتمس العذر للفنانين
تحدث المطرب طارق الشيخ، عن إمكانية اعتزاله الفن، موضحًا أن الجمهور فقط من يحدد اعتزاله من عدمه، بجانب تعليقه على أزمات الفنانين الأخيرة مع الجمهور.
وقال طارق الشيخ، في لقائه مع القاهرة 24: أعتزل ليه، الفنان بيعتزل الشغلانة لما بيلاقي الجمهور مش عايز منه جديد، لكن طالما الجمهور مشتاقلك إيه اللي يخليك تعتزل؟، الجمهور هو اللي يقرر اعتزالي لما يقولي أنا مش عايزك.
أما عن أزمات الفنانين مع الجمهور، ورد فعل الفنانين التي يمكن أن تصل حد الضرب، فعلق طارق الشيخ: الفنان فنان، ومتعلمش إيه اللي أدى الموضوع لـ كده، وساعات نشوف الفنان الناس ماشية تخبط فيه وبيشدوه من كتفه وعلشان صورة يتشد من كل مكان، ومنعلمش إيه اللي جوا البني آدم، ونلتمس للفنانين العذر، منعرفش إيه اللي يخليهم يبقى رد فعلهم كده.
طارق الشيخ: مقدرش أشيل وزر حرف غلط لو سجلت القرآن بصوتي
أما عن إمكانية تسجيل القرآن بصوته كصدقة جارية، بعد طرحه العديد من الأدعية التي لاقت استحسان جمهوره، فأوضح طارق الشيخ: أنا أقول أدعية أو تواشيح، وإنما القرآن له مخارج حروف معينة، لو غلطت في نطق حرف بيغير المعنى، فأنا مقدرش أشيل الوزِر ده.
ومن ناحية أخرى، علق المطرب طارق الشيخ، على خلط الجمهور بين الأغنية الشعبية والمهرجانات، قائلًا: الخلط بين الأغنية الشعبية والمهرجان شيء سيئ، ومش هيتساوى ده بده، لأن الأغنية الشعبية لحد دلوقتي بتتسمع في البيوت، وبتوع المهرجانات كل يوم بينزلوا أغاني علشان هما كتير ومفيش حد بابا المجال، لكن أنا أحب اللي يغني كويس ويغني كلمة كويسة.
