غادة عبد الرازق: الناس شايفة أني بطلة شعبية.. والرجالة اللي بتقول على الست القوية أنها متسلطة
تحدثت الفنانة غادة عبد الرازق، عن اختيار المخرجون لها في أدوار وشخصيات المرأة القوية خلال الأعمال الفنية، موضحة أن الجمهور يحب تيمة الانتقام التي تقدمها خلال أعمالها، مما يجعل المخرجون يحرصون على تقديمها بصور مختلفة.
وقالت غادة عبد الرازق، خلال لقائها مع برنامج صباح العربية: المخرجين بيطلبوني دايمًا لأن شخصيتي قوية، والناس شايفة أن البطلة الشعبية اللي بتاخد حق الستات وبتقويهم ومحدش يقدر يقف قدامها، والناس حابة مني ده، والمخرجين دايمًا عايزين غادة القوية، بيقدموا ده في أشكال مختلفة.
وتابعت غادة عبد الرازق: القوة مش معناها أن البني آدم ميبقاش طيب، القوة حلوة عشان لما تقع تقف تاني، أو انفصلت في ناس بتدمر القوة أن أقف على رجلي تاني، مش لازم أبقى ست مفترية، والرجالة هما اللي بيقولوا على المرأة القوية أنها متسلطة، ولو ستات قالوا كده بيبقوا عايزين يبقوا أقوياء ومش عارفين ولا عارفين ياخدوا حقهم.
أما عن رأيها في الحالة الفنية المصرية في الوقت الحالي، فعلقت غادة عبد الرازق: الصحة الفنية المصرية للأسف مبقتش بالقوة بتاعة زمان، النصوص بقت ضعيفة والمؤلفين يستسهلوا أو يفصلوا على مقاس النجم.
آخر أعمال غادة عبد الرازق
وعلى جانب آخر، يعد مسلسل صيد العقارب، آخر أعمال غادة عبد الرازق، الذي شاركت فيها ضمن الماراثون الرمضاني الماضي لعام 2024، حيث ضم العمل كل من محمد علاء، رياض الخولي، سيمون، أحمد ماهر، ميار الغيطي، محمد علي رزق، عفاف رشاد، محمد نجاتي، أحمد الشامي، مي القاضي.
