انهيار أسرة صغير شبرا بعد تأجيل محاكمة المتهمين: عاوزين حق ابننا
قالت والدة الطفل الشاب أحمد صغير شبرا واقعة الدارك ويب، إن الدفاع طالب بتعويض مدني 5 ملايين جنيه، وذلك بعد انتهاء أولى جلسات محاكمة المتهمين أمس الثلاثاء.
سرقة أعضاء صغير شبرا الخيمة
وأضافت الأم المكلومة في بث مباشر عبر القاهرة 24: أنا منهارة ونفسيتي تعبت نفسيًا، وعايزاهم ياخدوا إعدام الاتنين، ده ابني كان متقطع بهدلوه وموتوه وش ابني كان متقطع ومنظره صعب أبوه مقدرش يستحمل المنظر.
وتابعت: أنا احتسبت أحمد عند الله وبقوله نام يا أحمد حقك هيرجع الحق عند ربنا عادل وحقه هيرجع أنا عارفة إن حقه هيرجع، وواثقة في القضاء أن هيرجع حق ابني.
ومن جانبها قالت شقيقه أحمد الضحية: نام وارتاح يا أحمد إحنا هنجيب حقك وأنا هجيلك، أنا نفسي أموت وأروح لأحمد إحنا قاعدين وسط ناس شبه الديابة بيأكلوا في بعض ومبيحبوش الخير لبعض.
وأضافت شقيقة أحمد: كنت شايفة المتهمين النهاردة في قفص الاتهام ببصلهم ونفسي أقولهم أنتو مش بني آدمين وحسبي الله ونعم الوكيل فيكم حرمتونا من وردتنا، أحمد كان وردتنا وكنا مبسوطين بيه بعد جريمة أخويا كانوا مخططين يعملوا الجريمة دي في ولد تاني.
ونوهت شقيقة المجني عليه، أن شقيقها ودعهم قبل ذهابه للمتهم وكأنه كان يشعر بأنه آخر لقاء له بأسرته، قائلة: كان بيبص لبابا جامد وكان بيبوس إيد ماما وكان بيحبني.. وقبل ما يموت كان نفسه في رز وفراخ وهو اللي طلبهم.
وقضت محكمة جنايات شبرا الخيمة، الدائرة الأولى، برئاسة المستشار أيمن فؤاد فهمي، رئيس المحكمة، وعضوية المستشارين محمد عبد الواحد السيد عبده بحيرى، ووليد أبو المعاطي محمد، وأحمد محمد محمود سعفان، وأمانة سر إيهاب سليمان حلمي، تأجيل محاكمة المتهمين بقتل طفل شبرا الخيمة بمحافظة القليوبية وسرقة أعضائه البشرية لجلسة 1 سبتمبر، وإيداع المتهم الثاني في منشأة الصحة النفسية لمدة شهر وتحرير تقرير طبي عن حالة المتهم مع استمر ار حبس المتهمين.
