بسبب ارتدائه تيشيرت.. طرد بلوجر من الشاطئ في الساحل الشمالي
تحدث البلوجر علي خالد عن تعرضه لموقف غريب بالساحل الشمالي، حيث تم طرده من الشاطئ بسبب ارتدائه لتيشرت.
بلوجر يطرد من شاطئ بالساحل الشمالي
وروى البلوجر تفاصيل طرده من الشاطئ بسبب ارتدائه لتيشيرت قائلًا: واحد شاورلي وقالي اطلع من البحر، بسبب التيشرت، وساعتها أنا شاورتله على بنت جنبي، كانت لابسة شورت ومايوه، فهو رد المتوقع، البنات عادي، لكن الولاد مينفعش يكونوا بالتيشرت.
وتابع: وأنا سافرت احسن الملاهي المائية في العالم بماليزيا، ومكنش فيه أي حد بيبص على التاني نظرة مش كويسة، ولك واحد يستمتع براحته، وانا أتمنى إننا نبطل حتة الطبقية والجهل اللي عندنا، ولازم كل واحد يسيب الناس تبسط بطريقتها.
وعن سبب ارتدائه لتيشرت في المصيف فقال على خالد، نزول البحر بالتيشرت ليه فوايد كتير منها، التخلص من الاتهابات التي تصيب الجسم، مع حماية الجسم من آشعة الشمس، وعموما فيه ناس كتير زي اليابانين مش بينزلوا البحر من غير التيشرت، وده أمر عادي، وحرية.
من هو البلوجر علي خالد؟
البلوجر على خالد، هو بلوجر متخصص في نشر فيديوهات تقنية عن الهواتف وكل ما يتعلق بالتكنولوجيا، كما ينشر فيديوهات من رحلاته في عدد من دول العالم.
ويحظى على خالد بإعجاب واسع من جمهور السوشيال ميديا، حيث تلقى فيديوهاته رواجًا بين الجمهور، ويملك على أكثر من 400 ألف متابع عبر إنستجرام.
