بعد شجار بالسلاح الأبيض في عيد ميلادها.. مريم الحركي ترد على منتقديها: مشوفتش نقطة دم واحدة

أثارت البلوجر مريم الحركي الجدل خلال الأيام الأخيرة بين مستخدمي السوشيال ميديا على مواقع التواصل الاجتماعي، بعد انتشار أنباء عن حدوث مشادة بين بعض الشباب في عيد ميلادها أدت إلى شجار بالسلاح الأبيض، كما كان عيد الميلاد موضع هجوم من المتابعين بسبب محاولته لتمثيل شكل الفرح الشعبي في طبقة اجتماعية معينة.

عيد ميلاد مريم الحركي

وظهرت البلوجر مريم الحركي في مقطع فيديو نشرته على صفحتها للدفاع عن نفسها، بعد ظهور البلوجر حسن بيسو الذي تعرض للإصابة من قبل أحد الشباب بالسلاح الأبيض، ليروي تفاصيل الواقعة، وردت مريم على ذلك قائلة: صاحب الشأن نفسه قالي مجبش سيرة الخناقة، وأنا احترمت ده.

ثم أرفقت مريم مقطع صوتي لحسن بيسو يخبرها فيه بعدم التحدث عن الواقعة، فيقول: مريم متنزليش حاجة ليها علاقة بأن كان فيه مشكلة أو خناقة أو أي حاجة.

لتعلق مريم بعدها قائلة: للأسف هو مقدرنيش وخلى أصحابه يتكلموا عليا، ويقولوا إنه مش هاممني عشان متكلمتش عن الموضوع، في حين إنه مقالش لأصحابه إني كلمته كتير لكن مردش عليا ومع ذلك أنا كنت ساكته واحترمت كلامه، والناس بتهاجمني وبتشتمني، لكن حتى بعد ما طلع وأتكلم مبرئنيش ولا دافع عني.

ثم أضافت مريم: أنا مجرد واحدة عملت عيد ميلادها وعزمت أصحابها، ميكملوش 50 فرد ومقولتش لحد هات سلاح أبيض والشخص اللي عوره ده معرفوش ولا عمري شوفته في حياتي، هو كان جاي مع ناس أنا كنت عزماهم بس.

واستطردت حديثها بعد ذلك مشيرة إلى أنها حاولت التدخل لحل الأمر قائلة: لما شدوا مع بعض في الكلام أنا تدخلت بينهم وفضلت أتحايل عليهم، كان ممكن ياخدوا بعض ويحلوا الموضوع بره، لكن هما محترموش عيد الميلاد ولا احترموا صاحبته ولا الناس اللي موجودة، والناس في الآخر شدتني عشان أبعد عنهم ونزلوني أوضة تحت ساعتها كنت منهارة من العياط ومكانوش عارفين يهدوني.

رد مريم الحركي على مهاجميها

اختتمت مريم حديثها قائلة: أنا مشوفتش نقطة دم واحدة، لأني مكنتش موجودة، لكن طبيعي أي خناقة زي كدة بنجيب حقها بالقانون مش على السوشيال ميديا، والخناقة وارد تحصل في أي وقت وأي مكان، لكن أنا متسترتش على مجرمين ولا قتالين قتلة، انتوا معندكوش مانع مع العيد ميلاد نفسه، انتوا عندكوا مانع أن العيد ميلاد ده بتاع مريم، لكن فعلا أنا مليش ذنب في أي حاجة حصلت بس الحمد لله إنها جت على قد كدة وأنا مستهلش كم الهجوم والانتقادات دي.