قاعد مش عارف هيحصل إيه.. هل تنبأ أحمد رفعت بوفاته في ظهوره الأخير؟
أعاد مستخدمون تصريحات سابقة للاعب الراحل أحمد رفعت، لاعب مودرن سبورت، كشف خلالها الأخير تخوفه من الموت المفاجئ، بعد تعرضه لتوقف في عضلة القلب خلال مباراة فريقه أمام الاتحاد السكندري، ومروره بوعكه صحية شديدة قبل وفاته صباح اليوم السبت.
أحمد رفعت: قلبي وقف ورجع تاني
وقال أحمد رفعت، في أخر ظهور تفليزيوني له قبل وفاته: القصة كلها إن قلبي وقف ورجع تاني، وبقيت أكتر حد معرض لحدوث الأمر نفسه مرة أخرى.
وتابع: الموضوع مقلق إنك تبقى قاعد مش عارف إيه اللي هيحصل، هتكمل ولا مش هتكمل لكن في الآخر كلنا هيحصلنا كده، ويظل الموضوع مقلقا.
وأوضح أحمد رفعت: بتعب على فترات وقريب كنت بتشاهد، خاصة إني خضعت لعمليتين الفترة الأخيرة عبارة عن قسطرة في القلب وتركيب دعامة.
وشدد: تجربة مرضي علمتني إن في لحظة ممكن مبقاش موجود، خاصة إنها حصلت وأنا بجري في الملعب مش حادثة أو نايم في البيت، وأكتر حاجة بتفضل هي السيرة واللي بنعمله مع الناس.
واختتم أحمد رفعت تصريحاته: عانيت من ظروف قاسية قبل وعكتي الصحية لها علاقة بكرة القدم، وفترة مرضي كانت صعبة للغاية ولا أتمنى أن يمر بها أي شخص.
وفاة أحمد رفعت
وأعلن نادي مودرن سبورت صباح اليوم، وفاة أحمد رفعت بعد تدهور مفاجئ في حالته الصحية ونقله لأحد المستشفيات، ليتوفاه الله بعد رحلة شاقة من الصراع بعد الأزمة الصحية التى حدثت له يوم 11 مارس الماضي.
موعد صلاة الجنازة على أحمد رفعت
ومن المقرر أن تقام صلاة الجنازة وتشييع جثمان أحمد رفعت إلى مثواه الأخير، في مدينة أبشان بمركز بيلا في محافظة كفر الشيخ بعد صلاة الظهر.
