لقاء الخميسي: الخطوط اللي في وشي بتاعت ربنا.. ومش هعمل عمليات تجميل
كشفت الفنانة لقاء الخميسي، موقفها من فكرة خضوعها لعمليات تجميلية بالفترة المقبلة، مؤكدة أنها راضية عن نفسها ولا تفكر في تلك الخطوة.
وقالت لقاء الخميسي، في مقطع فيديو عبر حسابها الشخصي بموقع الفيديوهات تيك توك: ليه أعمل عمليات تجميل، أنا حلوة وجميلة وراضية عن نفسي وبحبني زي ما أنا.
وتابعت لقاء الخميسي: السن مش رقم وخلاص، لأ السن بيعبر عن دماغك بتفكر إزاى، فأنا مش محتاجة أعمل عمليات تجميل، والخطوط اللي في وشي دي بتاعت ربنا، والحمدلله ربنا خلقنا ومع العمر في حاجات بتتغير، أنا مبسوطة لو أنتم عايزين تعملوا عمليات تجميل اعملوا وهتكونوا مبسوطين برضو.
وعلى جانب آخر، علقت لقاء الخميسي على الهجوم الذي تعرضت له بعد كشفها رأيها وانتقاداها للحجاب، مؤكدة أنها تفهم معاني القرآن جيدًا، وأن الحجاب والنقاب ليس فرضا على حد قولها.
وقالت لقاء الخميسي، في تصريحات تلفزيونية: أنا ست قرأت القرآن وذاكرته وعارفة معانيه، وشايفه من وجهة نظري أنه مفيش حاجة اسمها نقاب أو خمار، ومعنى وليضربن بخمرهن على جيوبهن، الجيوب هي المنطقة المقفولة اللي هي الصدر، وده اللي أنا مذكراه وفهماه.
وتابعت لقاء الخميسي: أنا من حقي أقول رأيي، لأن ربنا مصادرش رأيي، وشايفه إني أقول رأيي مش لازم أطلع غلطانة، وربنا مفرضش النقاب، والحجاب كمان، لكن احترم المحجبات هما حرة، وهما اختاروا كده.
