مصطفى شوبير: اسم أبويا متذكرش ومفرقتوش عن اللي ظلم أحمد رفعت
دافع مصطفى شوبير حارس مرمى النادي الأهلي، عن والده الإعلامي أحمد شوبير بعد اتهامه في التسبب بأزمة أحمد رفعت لاعب مودرن سبورت الراحل.
مصطفى شوبير يدافع عن والده
وكتب مصطفى شوبير عبر حسابه الشخصي على إنستجرام: اتهامات اتهامات وخوض في ذمم دون علم ولا أي دليل، إنتم مفرقتوش عن اللي ظلمه رفعت في حاجة، دلوقتي بتتهموا ناس ظلم بأذى شخص دون أي دليل حتى دي عايزينها أهلي وزمالك وتريند.
وتابع: أخو اللاعب طلع وقال اسألوا فلان وذکر اسم شخص، ووكيله كان قاعد وحصلت مواجهه بينه وبين الشخص اللي تم ذكر اسمه، فين بقي اسم أحمد شوبير في جملة مفيدة؟ ولا أخو رفعت ولا وكيله ولا المحامي بتاعه قال حاة أو ذكر اسمه حتى زي ما المفبركين بيكتبه.
وشدد حارس الأهلي: التريند عمى الناس والاتهامات الباطلة أي حد بيكتب أي حاجة، الناس للأسف بتصدقها وخلاص وياريت الناس اللي بتكتب ده درس لينا تبدأ بنفسها الأول ومتظلمش حد تاني باتهامات باطلة بدون أي دليل، لأن كده أنت أول واحد متعلمتش من اللي حصل وبتعيد الظلم بس بطريقة تانية.
واختتم مصطفى شوبير: استقيموا يرحمكم الله وسيبكم من التريند، كلنا لله راجعون أخيرًا ربنا يرحمك يا رفعت، أكيد أنت في مكان أحسن لا تنسوه من صالح دعائكم.
وكان أحمد رفعت كشف في ظهوره الأخير قبل وفاته عن تعرضه لضغوط نفسية، بسبب أحد المسؤولين الرياضيين خلال فترة وجوده بفريق فيوتشر.
