شاهد عيان يروي لـ القاهرة 24 مفاجأة بشأن واقعة صفع محمد رمضان لمعجب بالساحل: كان بيهزر معاه والأخير استفزه
تصدرت واقعة صفع الفنان محمد رمضان لـ معجب في الساحل الشمالي، تريند منصات التواصل الاجتماعي، حيث قام الفنان محمد رمضان ليلة أمس بضرب شاب بالقلم ليرد الأخير له الصفعة، وخلال الفيديو تبين انفعال رمضان على الشاب وطلب منه هاتفه لكي يحذف الصورة.
واقعة صفع محمد رمضان
وقال م. ن، شاهد عيان على واقعة صفع محمد رمضان، في تصريحات خاصة لـ القاهرة 24: الواقعة حصلت إمبارح في مراسي الساعة 1 بالليل، والشاب غلط في الفنان محمد رمضان وتطاول عليه باللفظ.
وتابع الشاهد العيان: الشاب غلط في محمد رمضان لفظيًا، والفنان خد الكلام بهزار ونده على الشاب وقاله أنت بتقول إيه وقلعه الكاب من على رأسه، وكل دا على سبيل الهزار، لحد ما الشاب كرر الشتيمة تاني، ومحمد رمضان بعد ما كان واخد الموضوع بهزار تطاول على الولد بالضرب وحصل بينهما مشادة.
وأضاف: اللي حصل من محمد رمضان إنه ضرب الولد، والتاني رد له القلم، أنا كنت مركز في إن محمد رمضان قدامي والناس كانت بتتصور معاه، والشاب جه من جنبه وقاله محمد حمضان وكررها أكثر من مرة، ومحمد رمضان سأله اسمك إيه يالا والشاب رد عليه باستظراف، ثم حدثت مشادة كلامية وتطاول بالضرب بينهم، ومحمد رمضان طلب منه يطلع موبايله بس محدش عارف السبب إيه.
