التيك توكر أم مكة تتهم البلوجر رانيا يحيى بطلب مبالغ مالية ضخمة لترويج منتجها.. والأخيرة ترد: بتاجر باسمي
نشرت البلوجر رانيا يحيى، منشورًا عبر حسابها بموقع التواصل الاجتماعي فيسبوك، ترد من خلاله على التيكتوكر أم مكة، صاحبة براند فسيخ أم مكة، والتي اتهمتها بطلب مبلغ مادي كبير مقابل قيام رانيا بالإعلان والترويج عن منتجات أم مكة، ليدور بينهما خلاف عبر منصات التواصل الاجتماعي.
رانيا يحيى ترد على أم مكة
وقالت البلوجر رانيا يحيى في منشور لها عبر حسابها الرسمي بموقع التواصل الاجتماعي فيسبوك، أنا عارفة إن الفرحة مش سيعاني إني هذكر اسمك أيًا كان اللي هيتقال، بس عادي أنا متعودة على جبر الخواطر والغلابة.. أنا البوست دا بقالي نص ساعة بفكر أديها الشرف واكتبه ولا، خاصة إني حتى الناس اللي هدخل معاهم في خلاف بننتقيهم بعناية عشان يكونوا مناسبين ليا، بس قررت أعمل استثناء لسبب واحد بس وهو أنتم.. الناس اللي بتحبني وصحيت لقيتكم بتبعتولي عاوزين تفهموا وده حقكم.
وتابعت رانيا يحيى، مش عيب إنك تكوني من مستوى متواضع أو مش على قدر كافي من التعليم، العيب إنك تكوني كذابة ومبتزة وإفاقة، المدام دي من فترة كانت حرفيًا تطاردني في الكومنتات، وأي مكان أكتب فيه عشان أعملها إعلان، وأنا وأنتم عارفين مع احترامي للجميع إن ده مش شغلي ولا اللي بقدمه ليكم، وفي مستوى معين من الإعلانات أنا برفضه لو بفلوس الدنيا، فصحيت في يوم زي النهاردة كده لقيتها منزله بوست في جروب البلاك ليست تكذب عشان تستعطف البنات وتقول إنه كله بيطلب منها مبالغ كبيرة، وهي ست غلبانة وذكرتني بالاسم وقالت إني طلبت 3000 جنيه، رغم علمي إنها ست غلبانه وكده.
وأضافت البلوجر رانيا يحيى، في منشور لها عبر موقع فيسبوك، دخلت كذبتها في البوست وبعدين دخلت على الشات بيننا لقيت إن مفيش بيني وبينها أي نوع من أنواع الحديث، وسمعتها ما لا يرضيها بكل أدب وإنها ما يصحش تستخدم اسمي في رواية كاذبة لاستعطاف الناس وكان ردها إنها ست غلبانة وعاوزة تاكل عيش وفضلت تكمل وتبعتلي إني أعملها إعلان بكل بجاحة ساعتها، أنا عديت الموضوع وسكتت لنفس السبب اللي ذكرته في أول البوست.
واستكملت رانيا يحيى، عشان أصحى دلوقتي ألاقيها بتجدد كذبها برضه لكسب استعطاف الناس على حساب اسمي وعشان الكذاب نساي فهي المرة دي قالت إني طلبت 7000 جنيه، وأنا ما أوافق بفلوس الدنيا أعملها حاجة برضو، عمومًا أنا ما استغربت لما لقيتك منورة جروب البلاك ليست اللي افتريتي عليا فيه، لأن الكذاب كذاب في اللي بيقوله ويعمله، لما دخلت عندك ولقيت ربنا كرمك قولت أكيد اتغيرت واتأكدت إن الرزق هيوصلنا من غير كذب وتدليس وتزييف في سمعة ناس من أجل الاستعطاف، بس لقيت إن الطبع يغلب التغيير.
