بسمة داود عن مشاركتها في مسلسل تيتة زوزو: حلم حياتي أقابل إسعاد يونس
تحدثت الفنان بسمة داود عن مشاركتها في مسلسل تيتة زوزو، بطولة الفنانة إسعاد يونس، لافتة إلى أنه من ضمن أحلام حياتها مقابلتها .
بسمة داود عن مشاركتها في مسلسل تيتة زوزو: مستنية أشوف إسعاد يونس عشان أعبرلها عن حبي
وقالت بسمة داود خلال ندوتها بالقاهرة 24: بصور حاليا مسلسل تيتة زوزو، بطولة الفنانة إسعاد يونس، بحبها حب ولسة مشوفتهاش عشان مشاهدنا مع بعض لسة مجتش، ومستنية أشوفها عشان أعبرلها عن حبي، وطول عمري كان نفسي أشوفها وأسلم عليها.
بسمة داود عن مشاركتها بمسلسل ملوك الجدعنة: توفيق من ربنا
كما تحدثت بسمة داود عن مشاركتها في مسلسل ملوك الجدعنة، حيث قالت: كل اللي حصل في مسلسل ملوك الجدعنة ده توفيق من ربنا، من أول ترشيحي لحد التصوير وانتهائه، ووقت المسلسل من 3 سنين كنت هبلة ومش فاهمة حاجة، ومكنتش فاهمة شغلانة التمثيل.
وسبق وكشفت بسمة داود عن تفاصيل لجوئها إلى طبيب نفسي بسبب تعرضها لأزمة كبيرة في فترة ما من حياتها، مشيرة إلى أنها بعد الزواج لم تحتاج إلى طبيب نفسي، مستكملة: أنا كنت بروح لدكتور نفسي قبل الزواج، وده بسبب أن أوقات الإنسان بيحس أنه مش مبسوط وفي حاجات بتحصل في حياته وحاجات تخليه مبسوط، بس بيبقى في أسباب بتمنع انبساط الشخص، ولجأت لدكتور نفسي لأسباب معينة وبعدها مروحتش تاني، وأوقات الضغط الكتير بيتعب نفسيًا وأوقات بتبعد الشخص عن أنه يدخل في حالة نفسية، وأنا بحس بالاكتئاب لما بقعد في البيت.
