مرتضى منصور: سأنضم لدفاع اللاعب أحمد رفعت ولن أترك حقه| فيديو
قال مرتضى منصور، رئيس نادي الزمالك السابق، إن الراحل أحمد رفعت لاعب نادي مودرن سبورت ومنتخب مصر، كان حساسا بطبعه صاحب قلب جميل وأخلاق طيبة.
تصريحات مرتضى منصور عن أحمد رفعت
ورد مرتضى منصور، على مزاعم تناول أحمد رفعت منشطات قبل وفاته، ما أدى إلى تعرضه للأزمة الصحية الأخيرة، قائلًا: حرام إنكم تشوه صورته وهو عايش وهو ميت كمان، واللي قال عليه إنه كان بياخد منشطات كداب، وفيه لاعيبة بتاخد منشطات بس أحمد مكانش بياخد حاجة.
وأضاف مرتضى منصور، في المؤتمر الصحفي الذي أقامه بعد عزاء اللاعب أحمد رفعت بالحامدية الشاذلية: كان شاب قلبه طيب وعانى من الظلم، والعزاء اللي عملته عشانه ده يعتبر أقل تكريم له، لأنه كان لاعب مؤدب ومحترم، وإن شاء الله حقه مش هيروح.
وتساءل مرتضى منصور عن عدم حضور عدد كبير من الرياضيين في عزاء اللاعب أحمد رفعت، والذي أقامه أمس في مسجد الحامدية الشاذلية بالمهندسين، قائلًا: فين الرياضيين مشوفتش حد منهم في العزاء؟ وأنا كنت حريص في العزاء إني أقعد بعيد ولوحدي، عشان محدش يقول إنه مختلف معايا ومش هيحضر العزاء عشاني.
وأضاف مرتضى منصور، أنه إذا لم يتم الانتباه إلى ما يحدث ويتردد في حق اللاعبين بالوسط الإعلامي والرياضي، ستتكرر واقعة أحمد رفعت من جديد.
وأوضح، أنه تقدم ببلاغ إلى المستشار النائب العام للتحقيق مع المسؤولين الذين أشار إليهم اللاعب أحمد رفعت منذ أسبوع، خلال لقاء تليفزيوني، مشيرا إلى أنه سينضم إلى دفاع اللاعب ولن يفرط في حقه.
