ضربوني في عيد ميلاد مريم الحركي.. تحريات المباحث وأقوال حسن بيسو بالتحقيقات
كشفت تحريات المباحث تفاصيل واقعة الاعتداء على البلوجر حسن بيسو في عيد ميلاد البلوجر مريم الحركي في أحد الفيلات المستأجرة بمنطقة التجمع الأول.
تحريات المباحث وأقوال حسن بيسو في واقعة عيد ميلاد مريم الحركي
وتوصلت التحريات لتحديد هوية المشكو في حقهما وهما سيف خالد مقيم بمنطقة التجمع الأول، ومحمود عبدون طالب مقيم بمنطقة جاردينيا بالتجمع الخامس.
وأفادت التحريات بوجودهم بمحل الواقعة لحضور عيد ميلاد وحدوث مشادة بينهم وبين المبلغ تطورت إلى مشاجرة بالأيدي، وتم الفصل بينهم، كما قرروا أن بحدوث إصابة المبلغ سيف الدين المقيم بالتجمع الخامس.
وأمام جهات التحقيق قال حسن بيسو الطالب المجني عليه في واقعة عيد ميلاد مريم الحركي: اللي حصل أن أنا يوم 2024/6/20 جالي دعوة من واحدة صديقتي اسمها مريم الحركي وطلبت إني أروح أحضر عيد ميلادها في فيلا 141 شرق الأكاديمية بالتجمع الأول، والدعوة كان فيها إن شكل عيد الميلاد كأنه فرح شعبى، وطلبت الحضور بلبس شعبي والدعوة جاتلى على الواتساب بتاعى قبل العيد ميلاد بـ 3 أيام قولتلها، مش هقدر آجي فأقنعتني إني أروح ويوم 2024/6/219 روحت على العنوان علشان أحضر عيد الميلاد لوحدي.
وأضاف حسن بيسو في واقعة عيد ميلاد مريم الحركي: أول ما دخلت لقيت مجموعة شباب معرفهمش بيبصولي وبيشاوروا لبعض عليا ومكنتش أعرف هما بيبصوا عليا ليه، وبعديها بشوية حد جه خبط في كتفي ورجع تاني علشان يبين لي إنه خابطني قصد، وأنا معملتش حاجة وقلت دا ممكن يكون متسول فسكت، ومعملتش حاجة وبعد شوية جالي واحد تاني معرفش اسمه اداني كذلك قالي خد اتصور بيه، قلت له لا مش عاوز أتصور بيه، قالي خلاص مش هصورك بس خده ارقص بيه، وأنا مسكته قعدت أبص عليه كده، لأني أول مرة أمسك حاجة شبه کدده.
وأوضح حسن بيسو أمام جهات التحقيق: وبعدين لقيت واحد من الشباب اللي كانوا واقفين جالي وبيشد الكزلك من إيدي وبيقولي دا بتاعي، قلت له الولد اللي اداهوني، قام خدو مني غصب وقالي ابقى قول للي ادهولك محمد عبدون خدوا مني، وبعديها قررت إن أنا همشي وأسيب المكان علشان معجبنيش الناس اللي موجودة، لأنهم معظمهم كانوا ماسكين مطاوي وكزالك، وبعد كدا قلت أمشي وأنا خارج لقيت واحد اسمه سيف نصير شوفته قبل كدا وعارفه من التيك توك برضه جالي وبيقولي أنت بتكلمه كدا ليه يا وحش، قلت له أنا متكلمتش معاه أصلا، وإحنا رجالة بنتكلم مع بعض.
وأشار حسن بيسو أمام جهات التحقيق في واقعة عيد ميلاد مريم الحركي: جیت أمشي لقيت سيف بيوقفني وبيقولي اتكلم كويس ومحمد عبدون طلع سلاح عبارة عن سلاح لونه بني، وبعد كدا لقيت ناس كتير اتلمت عليا وكانوا واقفين ورا سيف ومحمد عبدون جه عليا بالسلاح وضربني في كتفي، وسيف نصير ضربني برجله في جسمي، وأربع أفراد تانيين معرفهمش واحد منهم رمى عليا كرسى، والثاني كان بيلف ويديني بالرجل، وبعد كدا وأنا جوا جاتلي البنت اللي اسمها مريم الحركي وقالتلي بوظتوا عيد الميلاد، وكان فيه ناس تانية جوا عيد الميلاد كانوا عايزين يحاولوا يطلعوني بس الشباب واقفين برا ومش راضيين يطلعوا حد.
واختتم: بعد كدا حد من الموجودين قالي اغسل وشك علشان كان فيه جرح فى وشى وذراعى وبطني، وبعد كدا قولت لحد من الموجودين نحاول نحل الموضوع وخلينا نتكلم، وبعد كدا لقيت واحد اسمه سيف الدين عشماوى سابغ شعره أصفر وكان أول مرة أشوفه في الواقعة ودا جالي يقولي أحسنلك متطلعش برة، قلت له هات الشباب بس نحل وقالي لا خليك هنا، وبعد كدا طلع وجالي 8 بيهجموا على عيد الميلاد بأسلحة بيضاء عبارة عن أربع مطاوى وكزلكين، وبعد كدا لقيت ولد كان لابس تيشرت أحمر في أزرق وقعني على الأرض، وأنا حاولت أروح وأجري منهم الولد اللي كان لابس تيشرت أحمر في أزرق رماني على الأرض والـ 8 اتلفوا عليا وكلهم كانوا عمالين يضربوني بالرجول والمطاوي والكزالك وكان في نظرة غل في عينيهم بقولهم انتوا بتأئوا نفسكم وكل اللى بتعملوه دا مش صح.
