سامو زين: مبسوط بانتشار حلقتي في حيلهم بينهم.. ومقدرش أقلد ضحكتي فيها دلوقتي | فيديو
علق الفنان سامو زين، على الانتشار الكبير والمستمر لحلقته الشهيرة ببرنامج حيلهم بينهم، تقديم الفنان عمرو رمزي، والذي عرض في عام 2007.
وقال سامو زين خلال لقائه مع القاهرة 24: بتبسط لما بشوف إن حلقتي في برنامج حيلهم بينهم لسة بتتشاف بنفس القوة برغم عرض الحلقة من حوالي عشرين سنة، وحققت 16 مليار مشاهدة، ولحد دلوقتي بشوف الكوميك ده بيتم تداوله بين أجيال كتير مختلفة، وحلو إن يبقى ليك ضحكة مميزة، أنا نفسي مش عارف أعملها دلوقتي.
وأعرب سامو زين عن دعمه لفكرة عمليات التجميل، مشيرًا إلى أنها أمر طبيعي، قائلا: بدعم عمليات التجميل ولكن على حسب الحالة اللي محتاجه تعملها، وهي بقت دور أساسي في حياة الإنسان ومهم للحياة العملية والمهنية، وحاجة مهمة إنها تكون متواجدة، وصعب في الوقت الحالي إن الشخص يقدر يحافظ على نفسه، وفي دلوقتي حد بيبقى فاهم بشرتك محتاجة إيه، وبيتعامل معاها.
أعمال سامو زين
وفي سياق مختلف، تحدث سامو زين عن تفاصيل أعماله التي يستعد لطرحها الفترة المقبلة، بعد النجاح الكبير الذي حققه بعد طرحه أغنية الحب، وقال سامو زين في تصريحاته لـ القاهرة 24: عندي أغنية هنزلها 25/ 7 وأغنية أخرى هتنزل 8/10، مضيفًا: بحب أقرب من الجمهور علشان هو اللي يحكم على الأغاني اللي بقدمها.
