أحد المتهمين في قضية مشاجرة عيد ميلاد البلوجر مريم الحركي: اتعورت في وشي وبعدها عرفت إن حسن اتعور
تصدر حفل عيد ميلاد التيكتوكرمريم الحركي التريند على مواقع التواصل الاجتماعي، بعدما أثار جدلًا واسعًا على منصات السوشيال ميديا نتيجة ما انتهت إليه تلك الليلة من أعمال عنف ومشاجرة بين الحاضرين.
مشاجرة حفل عيد ميلاد البلوجر مريم الحركي
وحصل القاهرة 24 على نص التحقيقات في القضية، وجاءت أقوال المتهم سبف، خ أمام جهات التحقيق كالآتي:-
اللي حصل أن يوم 2024/6/29على الساعة 20مساءً كنت معزوم في عيد ميلاد واحدة صاحبة اسمها مريم الحركي في فيلا 110 التجمع الأول في الياسمين انا ومحمود، وعلى وناس ثانية من صحابي واتقابلنا برة العيد ميلاد ودخلنا مع بعض وكان في مشادة كلامية مابين ناس احنا منعرفهمش وفجأه لقيت محمود، ع واقف والناس بتحوشة عن حسن وعن واحد تالت انا معرفوش فرحت للولد اللي انا معرفوش وقولتلة يا جماعة اهدوا علشان ميحصلش مشكلة وانا بهدى الموقف لقيت حسن، واحد اسمه سيف ضربة بالبكس في وشي وكان في ايدة خواتم وبعدين الناس حالتنا وطلعونة برا وعرفت بعدها ان واحد اسمه سيف عشماوي ضربة وعورة
وانا مشيت روحت عالمستشفي عشان التعورت في وشي وبعدين وإمبارح على الساعة 7 بالليل كنت في البيت في فيلا 12في الياسمين التجمع الأول لقيت الباب بيخبط والدتي فتحت الباب لقيت ضابط شرطة بيقولى تعالا معانا انت متهم في ضرب واصابة حسن عبد الله قولتلة انا مضربتوش واللي ضربة اسمة سيف عشماوى وحسن عبد الله رافع فديو على صفحتة على انستجرام واضح فية ان اللى عورة هوا سيف،ع وخدونى على القسم وجيت على هذا انهاردة وهو ده كل اللي حصل.
ويذكر أن قضت محكمة جنح التجمع المنعقدة بالتجمع الخامس، بالحبس سنتين للمتهم في واقعة التعدي على التيك توكر حسن بيسو في واقعة حفل عيد ميلاد البلوجر مريم الحركي، كما قضت بالحبس 6 أشهر لمتهم آخر.
