أول تعليق من حسن بيسو بعد الحكم على المتهمين: مكنتش متخيل الدعم.. وحاسس بامتنان وحب

ظهر التيك توكر حسن بيسو، في مقطع فيديو بعد الحكم على المتهمين في قضية التعدي عليه بعيد ميلاد البلوجر مريم الحركي، عن طريق الإصابة بآلة حادة أدت لقطع كامل بالعضلات الباسطة للذراع، وجرحين عرضين بالساعد، وجرح عرضي بفروة الرأس، وتم إصلاح العضلات بغرز موضعية وإصلاح الشرايين المقطوعة.

أول تعليق من حسن بيسو بعد الحكم على المتهمين

بدأ حسن بيسو، مقطع الفيديو بشكر خاص لوزارة الداخلية لسرعة ضبط وإحضار المجرمين المتهمين بالتعدي عليه في عيد ميلاد مريم الحركي، بالإضافة للتحقيق معهم وتقديمهم للعدالة، بجانب المجهودات المتواصلة من الجهات الأمنية لإحضار المجرم الهارب خارج البلاد.

كما وجه التيك توكر حسن بيسو بعدها الشكر للذين ساندوه وجعلوا صوته يصل للجهات المعنية، فيقول: الحمد لله الموضوع ده بيتم التعامل فيه بأكتر شكل مؤثر وفعال، مكنتش متخيل كمية الدعم دي، يارب دايما أكون عند حسن ظنكم، ودايما بالصورة اللي أنتوا شايفينها وبالعكس كمان أحسن من نفسي، وأتعلم من كل حاجة بواجهها في الحياة.

واستكمل: أنا حياتي كانت واقفة بشكل كبير خلال الـ 12 يوم الي فاتوا وكل يوم بستنى بكرة، واللي كان بيصبرني الحاجات الجميلة اللي كنت بشوفها على السوشيال ميديا، الناس بتتكلم عني بشكل كويس وناس بتبعتلي رسايل بتنصحوني اعمل ايه نفسيا وجسديا.

و وجه لمتابعيه رسالة قائلا: أنا شاكر ليكوا جدا ولو اتكلمت من هنا لبكرة، انا حاسس بامتنان وحب تجاهكم.

الحالة الصحية للبلوجر حسن بيسو

أوضح حسن بيسو أنه استرد حياته، وسيعود لصناعة المحتوى مرة أخرى، كما أنه يشعر بدين على عاتقه بأن يكون مؤثرا وإيجابيا، وأن يطور من ذاته ليكون شخص أفضل.

وأشار حسن إلى حالته الصحية حاليا، قائلا: دراعي قدامه شوية لحد ما الجروح تلتئم، هتخف خلال حوالي شهر بعدها هبدأ العلاج الطبيعي بعدها بشهر، لمدة شهرين، وبإذن الله أعرف أرجع الجيم يا رب متخنش قبل ما أرجع.

واختتم حديثه قائلا: ربنا يسعد قلبكم ويفضل عندكم طاقة إيجابية كده، ربنا مديني هدية كبيرة جدا لسه مدركها.