جنة عليوة تكشف أسرارا جديدة عن أزمتها مع شهد سعيد: كانت بتشتمني أنا وأختي في السباق
قالت جنة عليوة، لاعبة منتخب مصر للدراجات، إن اللاعبة شهد سعيد، كانت توجه لها سبابا خلال السباق الأخير اللي جمعهما ببطولة الجمهورية، قائلة: شهد كانت بتشتمني أنا وأختي في السباق.
جنة عليوة: وأنا بعلى السرعة في آخر السباق مسكتنى ووقعتني
وأضافت جنة عليوة، في تصريحات تليفزيونية: وأنا بعلى السرعة في آخر السباق مسكتنى ووقعتني، وكل عربية ورانا كان فيها حكم، وكتبوا تقرير إنها كانت متعمدة وبالتلى خدت إيقاف سنة محليا وغرامة.
ومن جانبه، قال وجيه عزام، رئيس الاتحاد المصري للدراجات: الموضوع له شقين فى أوقات كتير جدا بيكون فيه احتكاك بين اللاعبين وموجود بين اللاعبين وبنفترض فى كده العمد وبيحصل تحقيق.
واستكمل عزام في تصريحات تليفزيونية، وزير الرياضة داخل فى هذا الموضوع بقوة ومعانا ومتفاهمين والنهاردة بيتم إعادة النظر فى سفر شهد من عدمه.. والأقرب إنها مش هتسافر، لكن رسميا القرار هيكون قرار دولة اللجنة الأولمبية والاتحاد.
ومن ناحيته، قال ياسر إدريس، رئيس اللجنة الأولمبية: هناخد قرار فى موضوع سفر شهد من عدمه يوم الأحد.. ويتوقف على الإجراءات القانونية التى سنتخذها.
