حين ميسرة صنع اسمي وأنا الأعلى أجرًا في مصر.. أبرز تصريحات خالد يوسف
حل المخرج خالد يوسف، ضيفًا على الإعلامية سارة الدندراوي، في برنامجها تفاعلكم، المذاع عبر شاشة قناة العربية، وتحدث خلال اللقاء عن تفاصيل أعمالها الفنية والأقرب لـ قبله منها، بجانب رأيه في المخرج محمد سامي.
أبرز تصريحات خالد يوسف
- فيلم حين ميسرة صنع اسمي.
- حين ميسرة الأقرب لـ قلبي، وده أكثر عمل عبرت فيه عن البسطاء اللي أنا متبني قضيتهم من أول ما بدأت.
- أتفق 100% أن مفيش حد من تلامذة يوسف شاهين تفوق على أستاذه.
- الثورة كانت ربيع عربي وستظل ربيعًا، وهتنتصر في يوم من الأيام.
- أطمح لتقديم عمل عن الأندلس.
- يحيى الفخراني بيطلع منه إبداع طول الوقت.
- عمري ما ندمت في حياتي.
- المرأة في مجتمعنا العربي بتدفع الثمن أكثر من الرجل حتى لو كان خطأ واحد، لأنه مجتمع ذكوري.
- في نجوم كتير اكتشفتهم وأنكروا، ولا يعنيني هكتشف غيرهم.
- لم أتوقف على تقديم المشاهد الجريئة في أعمالي بسبب المجتمع.
- كنت أتمنى أخرج معظم أفلام عاطف الطيب.
- هعمل مسلسلات ولكن بعد 4 أفلام سينما هعمل مسلسل 10 أو 15 حلقة، لكن 30 حلقة دي مميتة.
- عمري ما كان عندي مشكلة مادية، أبويا عمدة وربنا إدالي نصيب أني اتولدت في عائلة ثرية.
- دخول أبناء العاملين في مجال التمثيل من دواعي الأمور، وده أمر طبيعي.
- من أبناء الممثلين اللي موهوبين هو كريم محمود عبد العزيز، ولكن في كتير ربنا مش صارف لهم أي موهبة.
- هي قاعدة وحقيقة بنسبة كبيرة، إن صعب نلاقي حد عظيم ويطلع ابنه أو بنته عظيمة.. دايمًا ولادهم ولا حاجة، ولكن فيه استثناء.
- في حملات ممنهجة كتير ضدي، لأن في كتير ليهم مصالح سواء التيار الإسلامي، أو مناصرين مبارك باعتباري واحد من اللي تمردوا على مبارك وهو حاكم.
- أنا المخرج الأعلى أجرًا في مصر حتى الآن.
- محمد سامي مخه كويس أوي، وبيختار أعمال درامية كويسة، وأعماله ناجحة جماهيريًا لأنه بيلعب على حتة المبالغة اللي بتثير الناس وبتخليهم يتفرجوا والفئة العمرية اللي بتتفرج على المسلسلات بشكل دائم وبيعرف يشدهم.
- أتمنى تحويل معظم روايات يوسف إدريس ونجيب محفوظ لأعمال فنية.
