السبت 19 أكتوبر 2024
More forecasts: Wetter 4 wochen
رئيس التحرير
محمود المملوك
أخبار
حوادث
رياضة
فن
سياسة
اقتصاد
محافظات

ياسمين عز عن أزمة شهد سعيد: ليه نهيج الرأي العام ضد بنت عندها 19 سنة؟

ياسمين عز
فن
ياسمين عز
الجمعة 12/يوليو/2024 - 10:08 م

عقبت الإعلامية ياسمين عز على أزمة اللاعبة شهد سعيد مع زميلتها جنة عليوة في سباق الدراجات، فيما استضافت شهد سعيد لتتحدث عن تفاصيل القصة وما حدث يوم الواقعة.

ياسمين عز تتحدث عن أزمة شهد سعيد

وقالت ياسمين عز في برنامجها كلام الناس: مصر كلها حكمت إن شهد الساحرة الشريرة غلطانة وجنة مظلومة، لكن عشان نحكم على أي موضوع لازم نسمع من الطرفين، ومينفعش نغلبهم بالصوت ونهيج الرأي العام ضد بنت عندها 19 سنة بتلعب في منتخب وعندها بطولة.. أنت كده مش بتدمر نفسيتها أنت بتدمر نفسية كل زملائها اللي معاها في المنتخب.. وأي فيديو بينتشر مفيهوش الحقيقة كاملة، وطالما إنك غير محترف لركوب الدرجات مينفعش تحكم زي المحترفين.

ياسمين عز تستشهد بموقف حدث معها بعد الهجوم على اللاعبة شهد سعيد

واستشهدت ياسمين عز بموقف حدث معها قائلة: مرة حصل موقف ما وكان فيه فيديو معين أظهر واقعة معينة وأنا على علم إن الواقعة غير حقيقية واللي طلع خلى الناس تاخد رأيي.. فكلمت شيخ من دولة عربية معروف قلت له إزاي الناس ممكن تشوف الحقيقة وهي مش حقيقة.. قال لي عين الكاميرا حقيرة، وطالما اشغلتي المهنة دي وقبلتي إنك تظهري للناس لازم تتقبلي ده إلى أن يثبت العكس، فالمفروض نسمع من الطرف الآخر ونحكم إذا كان لينا حق الحكم، لأن في ناس تانية هم أصحاب القرار.

ياسمين عز تنصح شهد سعيد

كما نصحت ياسمين عز شهد سعيد بعدم السكوت، قائلة: اعتبريني أختك الكبيرة.. لما يتحط اسمك في موضوعك يدينك لازم تطلعي تردي وتختاري هتردي مع مين.. لأن طول ما إنتي ساكتة الناس هتكون واخدة وجهة نظر الطرف الآخر، فلازم تردي علشان ده مستقبلك وحياتك.

تابع مواقعنا