أبرز تصريحات رامي جمال التليفزيونية: البهاق مش ذلة وواحد قالي لو معالجتوش شوفلك شغلانة تانية
حل الفنان رامي جمال وزوجته ضيفا على الإعلامي منى الشاذلي، وخلال اللقاء كشف الفنان العديد من أسرار حياته، وتفاصيل أول لقاء جمعه بزوجته، كما تحدث عن بعض الأزمات والمواقف المحرجة التي مر بها بعد إصابته بمرض البهاق، كما وجه رسالة خاصة لكل المصابين بهذا المرض.
أبرز تصريحات رامي جمال
ونستعرض لكم أبرز تصريحات رامي جمال مع منى الشاذلي:
- ماريهان كانت جاية تاخد مني لحن، ولما قعدنا طريقة كلامها عجبت وداني وروحنا تآلفت.
- البهاق مش ذلة ده هدية من ربنا.
- أنا مريت بمواقف كتير محرجة، وواحد قالي مستقبلك شكلك ولو معالجتوش شوفلك شغلانة تانية.
- الجهل جهل الإحساس لما تأذي مشاعر شخص يبقا أنت معندكش إحساس.
- البهاق زيه زي لما تسأل بنت إنتي متجوزتيش ليه لحد دلوقتي.
- مريت بمواقف كتير منها واحد سلم عليا وجه قالي: معلش هو معدي؟
- ابتلاءات ربنا كلها رحمة وأنا راضي لأني في أسهل ابتلاء.
- جت لي رسائل من أمهات كتير عن معاناتهم مع المرض وبيشكروني لأني اتكلمت عن المرض.
- أمير كرارة نصحني اروح لدكتور ورفضت قلت له أنا مبقتش شايف المرض.
- بقول للبنات لو الشخص مش شاريكي كقلب وعقل قبل شكل بلاش تكملي معاه.. والبهاق مش عيب علشان تداروه.
- البهاق موضة من موضات الجمال لأن شكلنا مختلف.
