أحمد أبو هشيمة: كنت بلف مصر بعربية أبيع حديد.. ودلوقتي ممكن على النت في 5 دقايق
رد رجل الأعمال أحمد أبو هشيمة على سؤال حول الاختلاف بين الظروف التي بدأ فيها حياته العملية والظروف الحالية، في ظل انتشار أدوات الذكاء الاصطناعي والتطور التقني الكبير الذي سهل من عملية الاستثمار.
وقال أبو هشيمة خلال حواره في بودكاست القاهرة 24: الأدوات الموجودة طبعا تسمح بوجود نماذج كتير زي أحمد أبو هشيمة، الـ 25 سنة اللي عشتها في حياتي العملية بدأت وأنا 19 أو 20 سنة، الوقت اللي اشتغلت فيه أصعب من دلوقتي لأنك بتبدأ بدون أي مساعدات خارجية.
وأضاف: ولكن دلوقتي أسهل ومفيش نجاح سهل، أنا كنت بلف الجمهورية بعربية بيجو عشان أبيع حديد، إنما حاليًا ممكن تبيع في 5 دقايق عن طريق الإنترنت.
أبو هشيمة في بودكاست القاهرة 24
وحول كيفية تعامله مع التحديات، قال أبو هشيمة: كل ما زادت مسؤولياتك زاد همك وقلقك مش بس زادت فلوسك، أنت إنسان منضبط وبتشتغل في حاجة وبتكبرها بس بتزيد مسؤولياتك وقلقك.
وواصل: ولو مزودش أنت هتنزل وحتى اللي وارث في ناس كتير من أصدقائنا ورث وكبروا جامد جدًا، أمثلة كبيرة جدًا ساويرس ومنصور، وفي ناس كتير تانية ورثوا فلوس كتير وضيعوها.
وذكر رجل الأعمال البارز أنه يمتلك 3 شخصيات مختلفة في حياته العملية وفي الحياة الاجتماعية مع الأسرة والأصدقاء، وأخرى ثالثة في الحياة السياسية.
وقال: في اختلاف بين أحمد في الحياة الاجتماعية والشغل، أنا في الشغل جاد جدًا ومشدود طول الوقت وأنا شخصيًا مش بستظرف نفسي على عكس حياتي مع صحابي وأسرتي، وجهين، وعندي شخصية ثالثة في الحياة السياسية اكتشفتها لما دخلت السياسة.
