شهد سعيد عن واقعة إصابة زميلتها جنة عليوة في التحقيقات: الحادث قضاء وقدر ومليش دخل فيه| خاص
يواصل القاهرة 24 نشر التحقيقات في واقعة إصابة جنة عليوة لاعبة منتخب مصر للدراجات على يد زميلتها شهد سعيد، والتي تضمنت أقوال المجني عليها في الواقعة التي حدثت بتاريخ 29 أبريل الماضي.
التحقيقات في إصابة جنة عليوة لاعبة منتخب مصر للدراجات على يد زميلتها شهد سعيد
وقالت شهد سعيد في واقعة اتهامها بإصابة زميلاتها جنة عليوة في التحقيقات، إنها لم تتسبب بإحداث إصابة زميلتها أثناء سباق المارثون، وهي من قامت بالاصطدام بها من الخلف.
وأضافت شهد سعيد: اللي حصل إننا كنا في بطولة الجمهورية في سباق الماراثون وإحنا بنقرب على خط النهاية، ولقيت جنة عليوة صدمت فيا من ورا، وده اللي خلى توازني يختل وحصل اختلال في العجلة وده اللي خلاني أصدم بيها من دون إرادتي، وإصابتها حصلت قضاء وقدر وأنا مليش دخل فيها وكل اللي بتتهمني بيه محصلش.
واستكملت شهد سعيد في التحقيقات: جنة عليوة بتدعي والكلام اللي تقوله مش صحيح، وأنا كنت في سبقاها وكنت متقدمة وفي الأول، ومش أصبتها وإحنا في الماراثون، وأنا وهي زملاء، وهي في الفريق اللي ضدي، ومفيش أي خلافات أو مشاكل بينا.
