محمد رمضان يعتذر عن واقعة صفعه شابا في مراسي: اللي عملته لا بطولة ولا رجولة| فيديو
ظهر الفنان محمد رمضان في فيديو له عبر حسابه بموقع فيس بوك، كشف تفاصيل صفعه لشاب في مراسي، موجهًا اعتذاره لأهل الشاب.
وقال محمد رمضان في الفيديو: الجمهور العدل الأصيل الغالي ألف شكر وربنا ما يحرمنيش منكم على وقفتكم معايا ومساندكم، وقرأت وسمعت قد إيه دافعتم عني وغلطتم الولد الصغير، ولكن أنا عملت الفيديو ده علشان أعترف بخطأي وأعتذر لأهل الولد الصغير، إني إيدي اتمديت عليه وأنا عارف إنه عيل صغير.
محمد رمضان يعتذر عن واقعة صفعه شابا في مراسي
وأوضح محمد رمضان: لما غلط في الأول قلعته الكاب وبصيت في وشه لقيت إنه صغير وقلت له اسمك إيه ولما رجع غلط تاني لفيت وقلت له هات التليفون خباه، وما تملكتش نفسي وضربته قلم بسيط والقلم البسيط ده طير له الكاب والنضارة، ولو نعتبر أن الناموسة اللي وقفت على خدي قلم فأنا أستاهل خمسة لأني مديت إيدي على عيل صغير ودي لا رجولة ولا بطولة.
وأكمل: وأنا ما تمالكتش نفسي لما خدت تليفونه ومسحت الفيديو وحد قال لي اكسر له تليفونه علشان ما يعملش كده تاني، قلت له لو هو غلط أبوه وأمه ذنبهم إيه يجيبه له تليفون تاني، خاصة لما عرفت إنه من قرية تانية، وقلت لهم روّحوه، والأمن قال اعمل له محضر قلت لهم لا يروح بعد إذنكم.
وفي وقت سابق ضجت مواقع التواصل الاجتماعي بعد انتشار مقطع فيديو للفنان محمد رمضان وهو يصفع معجبا ويعتدي عليه، وفي المقابل رد له الشاب تلك الصفعة في لحظتها، وذلك خلال تجول محمد رمضان في قرية مراسي بالساحل الشمالي بعد إحيائه حفلا هناك.
وأظهر الفيديو الفنان محمد رمضان وهو في حالة غضب، ويثور على شاب ويطلب منه الهاتف الخاص به، حيث كان يريد محمد رمضان حذف الفيديو الذي التقطه الشاب لمحمد رمضان وسخر منه قائلًا الفنان محمد حمضان، وبينما رفض الشاب إعطاء رمضان الهاتف ثار وقام بصفعه ليرد المعجب الصفعة تجاه الفنان، لكن بعض من أفراد مكتب الأمن المتواجد قام بفض الاشتباك بينهما في لحظتها.
وسبق أن كشف الشاب كريم شلبي صاحب الواقعة تفاصيل ما حدث وقال في تصريحات لـ القاهرة 24، موضحًا: لما شفت محمد رمضان كنت حابب أهزر معاه وقولت له يا محمد حمضان لاقيته خد الكاب بتاعي وقال لي اسمك إيه؟ وروحت له تاني وطلعت موبايلي علشان أصور معاه فيديو من باب الهزار وأنا بقول محمد حمضان، وتفاجأت أنه عايز يمسك الموبايل، وضربني بالقلم قمت ضربه في نفس اللحظة، خفتش أضرب محمد رمضان بالقلم عشان كنت لازم آخد حقي.
