أول تعليق من المدير الفني لمنتخب الدراجات بعد اعتزال شهد سعيد بسبب جنة عليوة
علق محمد إبراهيم، المدير الفني لمنتخب مصر للدراجات، على إعلان شهد سعيد، اعتزال اللعب وعدم المشاركة في الأولمبياد بسبب الهجوم عليها.
أول تعليق من المدير الفنى لمنتخب الدراجات بعد اعتزال شهد سعيد
وقال إبراهيم، خلال تصريحات تلفزيونية: شهد لاعبة غير عنيفة وبقالها 3 سنين بتكافح وبتلعب عشان بلدها وهى من أسرة متواضعة من الفيوم وأغمى عليها فى الفندق وكانت لا تأكل ولا تشرب، متابعا: شهد تواجه ضغوط نفسية واحنا تعبنا علشان نوصل للأولمبياد حبًا في بلدنا.
وتابع: شهد سندت بكوعها فقط على جنة عليوة، وجنة واحنا رايحين نطمن عليها قالوا إنها فى القسم ومأمور القسم حاول يصلح ما بينهم لكنها رفضت، وجنة أهانت شهد إهانة بالغة، والاتحاد المصرى للدراجات بعت جواب رسمي لنادى 6 أكتوبر بشأن الواقعة، والاتحاد كان عايز يتكفل بمصاريف علاجها وطالب بإرسال الفواتير إليه لكن كل ده اترفض.
وتابع: أخذنا بتقرير الحكم والعقوبات الموقعة على شهد بسبب جنة عليوة، ولكن اللعبة بتاعتنا الإصابات والوقعات جزء منها، اللى حصل من شهد غلطة غير متعمدة لكن الحكم سجلها متعمدة، شهد لاعبة غير عنيفة.
