وصول سائق أوبر المتهم بخطف وهتك عرض فتاة التجمع للمحكمة
وصل منذ قليل المتهم حسين والمعروف إعلاميًا بـ سائق أوبر المتهم إلى محكمة جنايات القاهرة، لحضور أولى جلسات محاكمته بتهمة محاولة خطف وهتك عرض نبيلة عوض، المعروفة إعلاميا بـ فتاة التجمع، ومحاولة اغتصابها بنطاق منطقة مدينة نصر، خلال استقلالها السيارة معه.
وصول سائق أوبر المتهم بخطف وهتك عرض فتاة التجمع للمحكمة
وانفرد القاهرة 24 بنشر التحقيقات في قضية فتاة التجمع، والتي حوت الاعترافات الكاملة لـ سائق أوبر المتهم، وجاءت كالآتي:
أنا أعمل سائق وأقيم بمركز أبشواى بمحافظة الفيوم، ولي محل إقامة آخر بالمقطم محافظة القاهرة، واللي حصل إن أنا شغال عند المهندس ش.ز، سواق بالعربية اللي أنا مأجرها من الفيوم عنده في كمبوند ما فيدا التجمع الخامس، وبعد ما بخلص شغل بشغل أبلكيشن أوبر عشان أعمل كام رحلة أجيب مصاريف البنزين بتاع العربية، علشان أوفر فلوس المرتب اللي باخده عشان بصرف على نفسي وأسرتي.
وتابع المتهم باختطاف وهتك عرض فتاة التجمع في اعترافاته: وأنا في الطريق قلت لها الحساب بتاع الرحلة ظاهر إنه فيزا وطلبت منها إن تحولها ليا كاش أو على البرنامج بتاع إنستا باي، فقالت الرحلة بكام ما أخدت التليفون مني تسجل الرحلة على برنامج أوبر حاجة اسمها العميل، وبعدها لقيتها بتقول لا أقف على جنب ونزلني فركنت فلقيتها كانت فاتحت الباب ونازلة، فقولتلها طيب هاتي التليفون بتاعي فلقيتها واخذاه ونازله فبطلت العربية وشديته من إيدها فقامت هي شداني من وداني اللي فيها السماعة اللي أنا بسمع بيها فكنت أخدت منها التليفون وشديت منها السماعة فاتقطعت في إيدي أنا وهي، وبعد كده نزلت وسابت الباب مفتوح.
واستمع رجال التحقيق إلى أقوال فتاة التجمع ضحية سائق أوبر وجاءت شهادتها كالآتي:
س: صفي لنا مظاهر التعدي الواقع عليكِ؟
ج هو شدني من هدومي من عند منطقة حساسة
وساعتها الهدوم نزلت من عليا وقعد يمسكني من منطقة حساسة، ويضربني على وشي وراسي ويشدني من شعري.
س: ما هي الملابس التي كنتِ ترتديها آنذاك؟
ج: أنا كنت لابسة فستان سواريه مفتوح من فوق لأني كنت رايحة فرح.
س: ما الحالة التي كنتي عليها آنذاك؟
ج: انا لما ركبت العربية كان الكرسي بتاع اللي سايق راجع لوراء وأنا كنت راكبه في الناحية اليمنى اللي يتبقى وراء الكرسي اللي جنب اللي سايق.
س في أي موضع كنتِ عليه أثناء التعدي عليكِ؟
ج: أنا كنت سانده برأسي على الباب اللي وراء اللي سايق وكان ضهري على الكنبة وماسكة بإيدي اليمين إيده الشمال اللي كان ماسك بيها السلاح وإيده الثانية بيقلعني الهدوم الفستان ويمسكني من منطقة حساسة وجسمي ويضربني على راسي ووشي بإيده وأنا بقاومه.
