نجوى إبراهيم: ممكن تدخلوا أمهاتكم دار مسنين لو مش فاضيين
أثارت الإعلامية نجوى إبراهيم الجدل خلال الساعات الماضية بسبب تصريحاتها حول إمكانية إيداع الأمهات دور الرعاية.
نجوى إبراهيم ممكن تدخلوا أمهاتكم دار مسنين لو مش فاضيين
وقالت نجوى إبراهيم، في برنامجها بيت العز، المذاع عبر محطة نجوم FM: “ساعة نقول هنشوف اليوتيوب، ونلاقي الناس مطلعة فيديوهات شاهد فلان أدخل والدته دار المسنين، فموضوع علاقتنا بدار المسنين ممكن يكون إيجابي جدا، أنت أو أنتِ مش فاضيين مسافرين، أو عندكم شغل، ووالدتك مش لاقية حد يتكلم معاها فتودوها دار المسنين، حتى لو تعبانة هيكون معها ممرضة وأيضًا ونس في المكان”.
وأضافت نجوى إبراهيم: لكن لو أنت قادر إنك تاخد مامتك في حضنك وتبقى جنبك، فكل دقيقة هي جنبك وأنت حاسس بيها فأنت مالك الدنيا كلها، الحاجات دي مهمة جدا، أنا لا جايه أنكد ولا أشعلل النفوس، أهم حاجة التعامل.
وعلى جانب آخر، سبق وكشفت الإعلامية نجوى إبراهيم، سبب امتناعها عن حضور الجنازات ومراسم العزاء، حيث أشارت إلى أن ذلك بسبب موقف لها مع أحد الصحفيين والمراسلين في جنازة الراحلة آمال فهمي، قائلة: “قاطعت حضور العزاء ومبروحش خالص، وآخر مرة رحت عزاء كان في وفاة آمال فهمي، ولقيت وقتها أساتذة صحفيين بيقولوا لي قولي كلمة للراحلة، فاستغربت إزاي أقولها كلمة وهي ماتت؟!، ومن بعدها وأنا قررت ما أروحش أي عزا، ودا اللي شفناه في جنازة صلاح السعدني”.
وأردفت: "الناس بيروحوا العزاء لابسين ومتشيكين وقاعدين يتكلموا ويضحكوا.. طب ليه ما توفروا الفلوس وخلوا العزاء في البيت.. ودي من الحاجات المهمة جدا".
