نصاب أم مكافح؟.. قصة مراهق بعمر الـ 13 عاما تثير الجدل على السوشيال ميديا
نشر أحد مستخدمي مواقع التواصل الاجتماعي على صفحته الشخصية بـ فيسبوك، قصة مؤثرة لمراهق أقدم إلى شركته لطلب العمل بها، وتداولها عدد كبير من الداعمين لموقف الشاب، لكن جاءت بعض التعليقات الأخرى صادمة إذ زعمت أن هذا الموقف تكرر معهم، أيضًا وقد تكون هذه حيلة يستخدمها المراهق للحصول على المال من الشركات.
قصة أحمد المثيرة للجدل
قال إسلام فايد على حسابه الشخصي بموقع التواصل الاجتماعي فيسبوك: الولد ده جالي من سنة قالي عاوز اشتغل أوفيس بوي قولتله أنا عندي حد للأسف يا حبيبي وبعدين أنت صغير أوي أنك تشيل شركة، قالي جربني أنا محتاج اقبض شهر بأي طريقة.
وعندما سأله إسلام عن سبب رغبته في جمع هذا المال رد: عاوز افتح مشروع، قولتله مشروع إيه، قالي البلالين اللي بتنور اللي بتتباع في الإشارات.
وأضاف: قولتله وعاوز كام عشان تبدأ المشروع ده، قالي رقم فسكت وبصتله وحسيت إحساس غريب، إن طفل قد ابني مستعد يشتغل أي حاجة عشان يقبض مرتب ويبدأ بيه مشروع حياته اللي نفسه فيه، قولتله أنا هسلفك المبلغ، ومش عاوز منك الفلوس غير لما المشروع بتاعك ينجح ويجيب على الأقل 4 أضعاف الفلوس اللي ادتهالك ساعتها تعالي واديني الفلوس اللي سلفتها لك.
وبعد مرور عام من هذه الموقف فوجئ إسلام بأحمد في الشركة مرة أخرى، يقول له: أنا جاي اديك فلوسك عشان الحمد لله مشروعي كبر وبقيت بورد بلالين وإضاءه للمراكب ولأعياد الميلاد، وأنت كنت وش الخير عليا وجميلك مش هنسهولك.
نالت تلك القصة إعجاب مستخدمي مواقع التواصل الاجتماعي الذين سارعوا في نشرها وتداولها مشجعين أحمد الشاب الطموح وإسلام الذي كان سببا في نجاحه.
وبعد تداول ذلك الموقف بشكل كبير على مواقع التواصل الاجتماعي، فاجأتنا بعض التعليقات التي زعمت أن هذا الشاب أقدم إلى شركاتهم وروى نفس التفاصيل، مدعين أنها قد تكون قصة يستخدمها الشاب للحصول على المال.
