البلوجر العربية الوحيدة بالحفل.. رانيا يحيى عن حضورها زفاف الملياردير الهندي: الفساتين هدية وكل واحد ليه 3
لفتت البلوجر المصرية رانيا يحيى الأنظار في حفل زفاف الملياردير الهندي أنانت أمباني، لتصبح أول بلوجر عربية تحضر هذا الحفل الأسطوري، وشاركت البلوجر في مداخلة مع الإعلامي خيري رمضان على قناة المحور، تروي تفاصيل مشاركتها.
البلوجر رانيا يحيى عن حضورها زفاف الملياردير الهندي
عن حضورها الفرح قالت البلوجر رانيا يحيى: أنا جاتلي الدعوة بصفتي إنفلونسر أو حد معروف، المهم إني جاتلي الدعوة وكانت اكسبيرينس حلوة جدا.
وأضافت البلوجر رانيا يحيى: أنا ما بتفرجش على عربي، بقالي سنين بتفرج على هندي، فأنا عارفة تفاصيلهم وأسمائهم وعارفة كل حاجة.
وأشارت: الموضوع ما كنش يخض علشان هما كانوا عاملين أجواء حميمية جدًا، وكنت أنا الصغيرة اللي فيهم، لكن كان كل الموجودين متساويين ومفيش تفرقة.
واستكملت: هما اللي كانوا مجهزين الملابس وكل حاجة والفنادق والطيران والناس كانت مستنيانا من أول ما نزلنا، وكانوا حريصين إن اللبس كله يبقى هندي.
وأردفت: وعرضوا علينا صور الزي اللي هنلبسه وكل واحد راح قاس الفستان وعدل عليه، وكل واحد ليه 3 فساتين هدية، الأكل كان فيه تنوع بشكل كبير، كان معمول في قاعة كبيرة في الهند.
والجدير بالذكر أن البلوجر وصانعة المحتوى رانيا يحيى، أول مؤثرة عربية مصرية تحضر حفل الزفاف الأسطوري الخاص بـ الملياردير الهندي أنانت أمباني، والذي جاء بعد 7 شهور من الاحتفالات الفاخرة التي سبقت الزفاف.
