وائل جمعة: اتحاد الكرة كان يفرض قرارات على كيروش لم يقبلها
كشف وائل جمعة نجم النادي الأهلي ومدير منتخب مصر السابق عن كواليس فترة توليه إدارة المنتخب رفقة الجهاز الفني للفراعنة بقيادة كارلوس كيروش.
تصريحات وائل جمعة
وقال وائل جمعة في تصريحات تلفزيونية: تجربة منتخب مصر أتعرضت عليا قبل ما أجي بفترة، ولكن إعتذرت عشان كنت موجود في الدوحة، والمرة التانية ماكنش ينفع اعتذر، وبلغت الناس في قطر إن هاروح للمنتخب وإن ده واجب وطني، وفعلا خدت أجازة من قطر، وكانت تجربة سريعة لعبنا كأس العرب وأمم افريقيا ومباراة السنغال في كأس العالم.
وتابع: ولكن الأجواء العامة ماكنتش افضل حاجة، وتدخلات في كل حاجة، وانا حظي وحش في التجرتين اللي خوضتهم سواء الأهلي او المنتخب، والتدخلات كانت صعبة ومابتخدش فيها قرار، وأجواء تخليك مش مركز، بالرغم إن كان معانا مدير فني عالمي اللي هو كيروش.
و واصل: عيشنا ظروف صعبة جدا، والناس عايزين يفرضوا عليه حاجة هو مش عايزها، ياعني مثلا الراجل طلب إن محدش يلعب على ستاد برج العرب وطلب ان الملعب يتوقف اللعب عليه وحصلنا على وعد يبقى لصالح المنتخب عشان النجيلة تبقى أحسن.
وأتم تصريحاته قائلا: الوعد الخاص بعدم اللعب على ستاد برج العرب ده ماتنفذش، واتلعب 5 ماتشات، والراجل كان بيمشي بالكورة في الملعب الكورة مش بتمشي عليه وكان زعلان ومتضايق جدا جدا، ولكن اللاعيبة محدش فرض عليه حاجة.
