بعد وفاته.. آخر رسايل شريف بدر الدين لزوجته الراحلة
عاشا السيناريست شريف بدر الدين في حالة كبيرة من الحزن، بعد رحيل زوجته في السنوات الأخيرة، حيث ظل طوال هذه السنوات يعاني من مرارة الفقد والحزن الكبير لرحيل شريكة حياته، ورغم أنه حاول أن يعوض غيابها بانشغاله ببناته لكن الفاجعة كانت أكبر من محاولاته، لينتصر الحزن عليه ويهزمه بأزمة قلبية أدت إلى وفاته صباح اليوم.
آخر رسايل شريف بدر الدين لزوجته الراحلة
فكتب شريف بدر الدين منشورًا قبل وفاته، تحدث فيه عن زوجته الراحلة، وذلك عبر حسابه الشخصي بموقع التواصل الاجتماعي فيس بوك، قال فيه: لما حصل اللي حصل من 5 سنين سألته عن السبب وما لقيتش رد، أي حد في مكاني طبيعي إنه يهدى، بس ده ما كانش هذيان.. ده كان سؤال بجد إيه الغلط اللي عملته علشان يبقى ده عقابي، وليه لو بتعاقب على حاجة مش عارفها البنات يتعاقبوا معايا؟، ما كنتش قادر أفهم أي شيء غير إني فشلت، فشلت إني أرجعك وأحافظ عليكي، كل يوم وأنا خارج كنت بقفل الباب ورايا، واشِدُّه كويس علشان اتأكد إنكوا في أمان، كنت بانزل مستعد لأي خناقة، وعارف إني مهما اتعورت هرجعلكوا آخر اليوم، أطهَّر أي جرح لما عيني تشوفكوا، واتأكِّد إني كسبت لإنكوا في أمان.
وأردف شريف بدر الدين: لما صابعي اتكسر من تلات سنين اضطريت أقلع الخاتم اللي عليه اسم ليلى ولبنى، بعد العملية اتفاجئت بالدكتور بيقولي إني مش هقدر البسه تاني، وفهِّمْني إن الكسر لما بيلئم بتزيد كثافة العضم، ومقاس الصباع بيتغيَّر، اتغاظت إنه ما قالش المعلومة قبل العملية، جايز لو كان قالها ما كنتش عملتها، على الأقل ما كنتش هدي فرصة للقدر إنه يتآمر عليَّ، ويحسسني تاني إني فشلت، وما قدرتش حتى احافظ على أساميهم في صباعي.
