مي كساب: اسمي على تتر العتاولة كان مخالفا لاتفاقي.. ولن أشارك في الجزء الثاني لهذا السبب
ردت الفنانة مي كساب على جدل تصريحاتها حول موقفها من ترتيب اسمها بتتر مسلسل العتاولة، ومصير دورها في الجزء الثاني.
مي كساب: اسمي على تتر العتاولة كان مخالفا لـ اتفاقي
وقالت مي كساب في تصريح خاص لـ القاهرة 24، إن دورها في الجزء الأول من مسلسل العتاولة انتهى مثل شخصيات أخرى بالعمل انتهت، مشيرةً إلى أنها لم تعتذر عن المشاركة في مسلسل العتاولة 2، ولكن دورها انتهى.
وبشأن موقفها من ترتيب الأسماء بتتر مسلسل العتاولة، أوضحت: لما اتسألت على التتر قلت شكل وضع اسمي مش ده اللى أنا اتفقت عليه، وكنت متفقة على طريقة معينة، بس ده محصلش.
مي كساب: الجمهور بيركز في أدائنا مش في التتر
وأضافت مي كساب: أنا عديت الموضوع لأنى مبحبش أعمل مشكلة والمسلسل شغال، والنجاح حاصل والناس أصلا كجمهور مش مركزين مع التتر، والناس أصلا بتبقى في الآخر وجهه نظرهم مين بيمثل أحسن ومين دوره أثر فينا أكتر، وده بيبقى في حسابات الجمهور وغير حساباتنا إحنا أكتر كفنانين وده اللى قلته.
وأضافت مي كساب: يكفيني إن الجمهور دايما بيثني عليا وبيقول كلام حلو بيهون عليا غلطة التتر، وهو ده كان قصدي بالظبط.
مسلسل العتاولة
وشارك في بطولة مسلسل العتاولة كل من الفنان أحمد السقا، طارق لطفي، زينة، باسم سمرة، مي كساب، فريدة سيف النصر، أحمد كشك، مصطفى أبوسريع، هدى الإتربي، وآخرون، والعمل كان من تأليف هشام هلال، وإخراج أحمد خالد موسى.
