بشخصية عمر الشريف.. محمد هنيدي: كنت هعمل فيلم إشاعة حب الجزء الثاني
حل الفنان محمد هنيدي ضيفًا على برنامج بيت السعد، والذي يقدمه الشقيقان عمرو سعد وأحمد سعد، والعمل بقيادة المخرج محمد سامي، وخلال الحلقة كشف الفنان محمد هنيدي مفاجأة كبيرة.
وقال محمد هنيدي في برنامج بيت السعد: بعد فيلم رمضان مبروك أبو العلمين حمودة، عماد أديب قالي هنعمل إشاعة حب الجزء التاني، وأنا كنت هعمل شخصية عمر الشريف.
أهم 10.000 جنيه في حياة محمد هنيدي
كما روى الفنان محمد هنيدي تفاصيل أهم 10.000 جنيه في حياته قائلًا: اتفقت على مسلسل تيمون وبومبا بـ 10 آلاف جنيه، وقولت للمنتج إني هاخدهم دلوقتي عشان اشتري عربية بتكييف، وهخلص المسلسل ده في 10 أيام، وفعلا خلصت في الوقت ده، وجبت العربية وبعدها باص أحمر كبير خبطني وأنا رايح للمونتاج عصام إمام.
وأضاف محمد هنيدي: دلوقتي فيه كوميديا ومستحيل الكوميديا تختفي لو اختفت الأكسجين يتسحب، بس بتمر بفترات بسبب التكنولوجيا وفي أساليب كتير جدا بضحك، بس يبقى الورق أهم حاجة، والكوميديا بخير وشايف أجيال بتطلع واللي هيستمر اللي ميستسهلش، فيه مخرجين كبار بدون ذكر أسماء يخافوا يعملوا كوميدي.
