يتّم بناته.. أسرة طبيب تتهم شاب بالتسبب في وفاته في التجمع | صور
اتهمت أسرة طبيب يدعى محمد الشربيني، يعمل أخصائي جراحة التجميل والحروق صغيرا، يبلغ 16 سنة، بدهسه أسفل سيارته في منطقة التجمع، والتسبب في إصابة طبيب آخر.
وفاة طبيب التجمع
وقال أحد شهود العيان على الحادث عبر حسابه الرسمي على موقع التواصل الاجتماعي: أنا هتكلم في البوست ده عن أخويا وزميلي وعشرة العمر، الدكتور محمد الشربيني، واللي حصل له.
وأضاف: شاب عنده 16 سنة كان سايق عربية بسرعة جنونية يوم الجمعة بالليل في التجمع، وبدون رخص، وأثناء خروج الدكتور محمد الشربيني والدكتور عبد الرحمن للأسف، وبسبب رعونته في السواقة، دهس الدكتور محمد الشربيني أخصائي جراحة التجميل والحروق والدكتور عبد الرحمن عبد الفتاح طبيب ممارس عام.
وأكمل: الدكتور شربيني مات في الحال، والدكتور عبد الرحمن أصيب بإصابات بالغة، وهو في حالة خطرة، وأصيب بتشوهات وعاهات في جسمه ومحجوز في الرعاية بين إيدين ربنا.. وأنا زعلان أوي على أخويا وحبيبي الدكتور شربيني والدكتور عبد الرحمن.. ولازم أتكلم عن اللي حصل ده الشاب ده دمر مستقبل بناته اللي أعمارهم واحدة عندها سنتين والبنت التانية عندها أقل من شهر، واتيتموا للأسف بسبب رعونته وتهوره والتمن دفعه الدكتور شربيني اللي للأسف ملوش أي ذنب في اللي حصل وإن بناته تتيتم.
واختتم: الطفل ده قتل شاب دكتور جراح متعلم خدم آلاف المرضى، وأصاب دكتور تاني بعاهات مستديمة في جسمه وتشوهات وخلاه في حالة حرجة في الرعاية، وأخويا الشربيني كان جدع وصاحب صاحبه وأصيل وعمره ما أذى حد الله يرحمه.
